日本東北之旅18天遊 (Day 6 - 年三十晚)
6 FEB 2008 角館(下雪) > 盛岡(天晴) > 安比高原(天陰,有雪)
(早上 - 角館 : 9:42am新幹線 > 盛岡 10:38am到達)
今朝相信是幾日內最遲起身的一天, 因約好食早餐時間係8:45pm, 唔食的團友可9:20am大堂等.
今早我同Tammy無理頭咁係7時多左右突然被電視機吵醒, 唔知係米先前有人將電視機set左做鬧鐘呢?
果然貴一點的酒店, 早餐都係唔同D的. 今早的早餐竟然係Buffet, 雖然選擇唔多, 但有日本的牛乳產品我們都已好滿足了, 如牛油搽多士, 牛奶等…等. 還有麵豉湯, 積物, ,飯 腸仔及炒旦等. 好豐富呀!
OK, 整裝待發後便起行, 雖然車站係隔離, 但由於下緊好大的雪, 我們都要行得慢一點, 以防PK. 在車站等車時的指定動作就係必會去站內的便利店睇睇, 而團友們又例必有地區限定版的Hello Kitty買Wo.
到達盛岡後, 我們要兵分兩路, 我同Shary去Toyoko Check In (因今晚她同Maggie會在盛岡stay, 而我們會去安比滑雪). 老公同其他團友便去搵大Locker放行李, (當中Tammy個硬喼放唔入Locker, 後來要放係Toyoko, 仲可慳番500yen).
當我去到Toyoko 時, 心想不如去車站附近的一口麵店吧, 因我們要坐12:50pm的火車去安比. 怕時間不足夠去原先想去的店. 於是我們向酒店的姐姐仔詢問有沒有好介紹, 最終她們介紹了一間在酒店前2條街的店舖予我們.
這間名叫”東家”的一口麵店, 每客3,150yen, 無限時間, 還有其他配菜, 如魚生, 雞肉, 紫菜 等…等, 仲有甜品Tim. 初是我都覺得好似貴了一點, 因一般的收費應是2,500yen-3,000yen左右吧. 不過算La, 我們都冇時間周圍搵.
剛坐低時, 大約11:00左右吧. 當時全店只有一位嬸嬸, 總共食了36碗. 嘩!好犀利呀! 
好嗱, 開始到我們嗱! 首先解說一下先, 食一口麵, 無限時間, 可自由加配菜調味, 湯可以飲或倒在枱上的大木桶內, 每15碗為一棟, 每4-5人有一位姐姐仔負責企係度不停加麵 (也不停地會講"Dong Dong", 即係請繼而的意思Wo), 食到唔能再食時需把碗蓋蓋上, 店員便唔會繼續加麵.
亞儉是我們的最高紀錄, 總共食了50碗, 跟住係老公的49碗(本來他是打算同亞儉一樣的,但點知數錯數Wo.哈! ) 老李45碗, 四眼哥44碗, Alice38碗, 梅生36碗, Shary有31碗, 我同Tammy都係30碗. 大家開開心心咁拿起自己的證書影番張相先. 真係開心的時間過得特別快, 咁就到了12:30pm嗱! 要快D食完甜品後馬上去趕12:50pm火車嗱!
今日係年三十晚, 加上Shary唔會跟我們去安比, 這餐算係同她團年La.
(消費總額) : 一口麵 : JPY 3,15.00
) 
