9月份生日的媽媽

生日聚會

27 SEPT 2008   (天晴)  

今日係為了慶祝9月份生日的媽媽 - "Cherry" & "Rosand"的打麻雀聚會.

我相信緣份o架, 講起我同Rosand & Cherry的認識, 都係緣份的一種吧. 其實我係她們老公的朋友, 由於我們都有一個共同的嗜好---"打麻雀".  所以好快便成為雀友加好朋友, 唔覺唔覺都識左有10年了, 睇住她們拍拖, 結婚及做媽媽. 現在我仲係Rosand兩位小公主的契媽Tim.

今日我,大眼,家姐及Rosand於12:00PM左右先開一枱麻雀. 約3:00多老公,Calvin,Kim Kim到達, 之後Call亞君回來到Club House打保齡球. 當然2位小妹妹一同落去玩啦! 1小時候, 妹妹同工人姐姐先回來, 點解唔見家姐?   我們以為家姐應該係同亞君爸爸一起吧. 點知, 當我要Call老公上來急救時(因為我好邪, 一直出沖, 所以叫老公上來頂腳!), 問老公係o米同亞晴一起, 他竟說亞晴唔係返左屋企咩! Oh!No! 唔見左個契女呀! 不過君爸同Rosand媽完全唔緊張, 因為個女都係o係Club House o者. 後來Rosand媽再問清楚工人姐姐, 原來亞晴係Club House撞見瑤瑤, 所以繼續係下面玩wo.

5時左右開始人齊.  我們可以開始食生日蛋糕嗱!

我們都有2個幾月無咁大班人出來聚聚了. 特別係Parco仔真的好久不見, 現在已經返學了.

食蛋糕前,壽星媽媽緊係攬住個寶貝要影番張相先.

橦橦無份Tim!因為她訓左覺.

之後再影全家幅.

再來兩家人合照.

緊係唔少得我們班朋友La!

由小朋友帶領唱生日歌後便可以開始食蛋糕嗱! 睇吓小朋友食得幾開心!

食飽蛋糕後, 繼續打牌. 終於可以開兩枱嗱! 等埋Doris同杰昇到來後, 我們便可以食晚飯.

食完晚飯, 時間尚早. 緊係再開局啦! 直至零晨1時多才離開Rosand家.

今日我係大輸家, 好慘! 唯有下次努力贏番啦!

 

 

打邊爐

到Czen家打邊爐

19 SEPT 2008   (熱)  

今日係我同老朋友的聚舊日, 下午剛與中一的同學食Lunch, 晚上又約了第二份工的舊同事打邊爐.

其實今晚的約會我地都改o左3次才可以實行. 美其名是因為Tammy生日出來食飯的. 但其實唔用生日的藉口約出來的話, 有時真係好難先會出來聚聚呀!

我, Tammy同Czen都識左差唔多有20年了, 當時大家都係初出茅廬, 返工玩餐飽, 記得我們有一位叫Kelvin的男同事, 他的衣著超型, 超特別,又好高大,但唔係好靚仔仲心地. 他經常係我們OT時用羅文的腔來唱其他歌手的歌, 超攪笑. 有時一同出外食Lunch, 打包被公司某個秘書食時, 有會加一些特別的料(咩料, 唔好講嗱!)俾她食. 真係咩都做得出. 現在返工邊有咁開心? 因為當時大家都唔識死, 仲好青春, 無o左份工o米搵過份Law. 不過曾經擁有咁開心的時光都係好的.

今晚Czen買了好多唔同的食物, 樣樣都好好味. 我特別鍾意食黑椒牛丸同水餃. 她知我平時無咩湯水, 仲煲埋湯俾我飲Tim, 真係夠朋友呀!

食飽飽後, 老公同輝仔研究吓鏡頭, 我們3名女子就睇吓電視, 傾吓計咁啦. 之後仲同盈希玩吓IQ題, 攪到盈希都唔知幾開心.

唔覺唔覺已經11點多, 都係要返歸嗱! 臨走時發現窗邊有炬奧運聖火係到(仲係畫得唔錯o架!), 拎來睇睇, 原來係盈希的作品. 之後我介紹掛在門口的"福鼠作品"俾老公睇(因為我好鍾意呢個作品), 老公睇到都話好點呀. 好!等我介紹吓盈希妹妹的大作先!

火炬

 

火炬

 

賀年福鼠

 

郊外旅遊

 

送俾媽媽的生日咭

俾心機呀盈希, 下次再俾多D作品姨姨睇呀!

係Wo!唔記得左夾番錢俾Czen Tim!

 

午餐短聚

老同學午餐短聚

19 SEPT 2008   (熱)  

今次的約會係遲了1年才實行. 於上年得知亞雯搬了去德福及生完第二個BB後, 我們便話得閒出來食飯啦! 但好似好繁忙的香港人有時就係無決心去做一件事.

由於我上個月有一天返工的時候, 係德福遇到亞雯, 她同我講可能遲D會搬. 於是我返到公司後想, 真係遲D要約出來食吓飯先得, 咁我便決定過完中秋後約她出來飯局, 仲叫埋細孖Tim.

地點 : 德福翡翠拉麵館

時間 : Lunch Hour

由於2位媽媽平時夜晚都唔慌可以出來同朋友食飯, 所以便約她們食Lunch. 話時話我都差唔多有3年無見過亞雯. 她都無咩點變, 係生完無咩點收身咁姐, (不過我都肥左啦!), 細孖我1年都會見她2-3次, 她都係差唔多啦, 一樣係湊仔湊到咁慘Law. (無辨法, 個仔係名校小學生, 係壓力大Do架嗱!).

雖然短短1小時15分鐘, 我們都傾左好多o野, 好開心. 因為我仲要返工, 唔係好似2位亞太咁唔駛做, 所以就走先, 係我差唔多要走時, 亞雯的賓賓剛好帶了2位小朋友到來. 細佬好得意呀, 容易笑又好肥! 哥哥成個博士仔咁o既樣, 斯斯文文! 同他們玩了一會, 影完相我便即閃, 所以食飯仲未俾錢. 係wo! 點解無人打俾我話要收錢的? 正!唔通唔收我錢!好!等我下次再約她們先得, 再呃多午餐.

 

2009年農曆年的日本17日暫定行程 - 更改篇

2009年日本之旅的初步行程 - 第一次修改版

上星期亞昌一家決定與我們一同去日本旅行, 雖然現時尚係Waiting List, 機票價又未出. 不過我們都當他去硬嗱. 為了他們的最新行程更改如下:-

22 JAN : 香港 > 廣州機場 > 成田機場 > 上野

23 JAN : 上野 > 海濱幕張 > SANRIO (這晚亞昌一家到達日本)

24 JAN : 上野 > 上野公園  >  橫濱 >  上野

25 JAN :  上野 > 越後湯沢 > 上越國際滑雪場　

26 JAN :  上越國際

27 JAN :  上越國際 > 越後湯沢 > 上野 (這晚咪咪一家到達日本)

28 JAN : 上野  > 千葉縣 (Mother Farm)

29 JAN :  千葉縣  >  上野

30 JAN :  上野 > 草津溫泉 (這日亞昌一家回港)

31 JAN :  草津溫泉

1 FEB :   草津溫泉 > 輕井沢 > 上野

2 FEB :   上野 > Disneyland > 上野

3 FEB :  上野  > 箱根 (這日ROSAND一家回港)

4 FEB :   箱根

5 FEB :  箱根 > 富士急遊樂埸 >  上野

6 FEB : 東京隨意遊

7 FEB :   上野 > 成田機場  > 廣州機場 > 香港

團友們有任何意見請提出!

2008中秋節BBQ

中秋節BBQ

14 SEPT 2008   (勁熱)  

今天約左下午到Rosand家BBQ, 昨天真係麻煩晒Rosand同亞君去買o野.

今早起身執拾了3大袋東西(有模型俾家熙, 有冰皮月餅, 水晶梨及一大袋小說俾珠珠)要帶去Rosand家, 於是我們決定Call的士去將中. 到達後, Calvin及儉儉好好人咁係的士站等我們及幫手拎東西. 跟住我們便一起先上Rosand家放低物件及幫忙拎BBQ的食物及飲品落平台.

今日真的好熱, 好彩我們係7號爐, 那邊都唔算晒得好正. 擺放好晒食物, 餐具, 飲品後, 我們便開始燒烤.

因為亞君今早要去網球比賽, 所以2:30左右才回來, 而亞昌會於3:00左右到, 因為家熙今早要去鋼琴比賽.

我們先燒腸仔俾兩位小姑娘食, 之後唔停手得咁繼續燒魷魚, 雞冀, 雞腎,茄子, 金姑, 番薯, 牛排等等..........D o野真係好好味呀, 真係要唔該晒婆婆的幫手呀!

我都好似好耐無BBQ嗱! 雖然今次唔係用燒烤叉來燒, 但噤樣燒又幾好wo, 可以坐係度一邊傾計, 一邊等食, 有又小小風, 感覺唔錯. 下次天氣涼D再燒過先!

 我的契仔契女

小朋友又可四圍走, 四圍玩. 肚餓,口渴時又可返來食吓o野,飲吓o野.真係好方便.

燒到4:30左右, 我們收拾好後便上Rosand家開枱. 今日我們特登叫埋我的大姑奶及2姑奶一起來開枱. 今日中秋佳節, 緊係要開番2枱台仔高興吓先啦! 

我們大小總共17人攻陷Rosand家咁制! 上到去小朋友有寶兒姐姐陪住一起玩. 班男人係我老公的帶壞下一同去左茶餐廳嘆TEA及吹水. 6:15PM班男人終於返來了, 跟住請他們帶小朋友落去平台玩攤位遊戲, 玩完後順便買埋外買回來. Thank You!

8:15PM他們回來了, 小朋友們都好滿載己歸. 每人都有10多樣獎品.

當中最有趣的係杯麵鉛筆刨. 由於大家BBQ都食得好飽, 所以我們只係買了一些炒粉麵飯來食

. 跟住大家再一起食應節的水果 (水晶梨, 沙田柚, 提子, 火龍果等) 及冰皮月餅, 當然再一起探頭出窗外睇睇個好圓的月光先似係過節的. 係食晚飯前, 陳昫晴的門口竟然脫落了, 見她無牙得來都好可愛, 於是要求她拍照留念. 今次係她的第4只脫落的牙.

小休一輪後, 亞昌先走, 我們再繼續打牌. 到10:45PM我同Rosand帶晴晴及曈曈落去平台玩一陣營光捧.

至11:30PM曈曈話要走嗱, 因為她全日都無訓過覺, 所以超級攰. 回家後, 兩姊妹洗完澡後便去訓覺. 而Luther再次同亞君, 亞伯, Calvin, 亞儉去平台飲啤傾計. 我們今天要打4個東才會收手, 終於至3:30AM才回家.

今年真係一個好充實的中秋節呀!