30 OCT 2009 (天晴)
今晚8:00多放工後, 撥個電話同Doris講聲生日快樂時, 得知她們正在九龍灣的Pokka Cafe食飯. 因此今日係Doris的正日, 加上都有成個月無見她一家喇! 於是我便順道去八一八啦!
雖然我先前已送o左生日禮物俾壽星女, 但無理由正日見面, 兩手Fing Fingo架. 好彩經過龍島, 於是係咁易買年小禮物啦.
本來打算只係見見面, 親口再講聲生日快樂便離開. 最後當然坐o左超過30分鐘, 仲食埋生日Cake先走!
睇吓杰昇帶o左個Halloween眼鏡幾得意!
呢張相係杰昇影o架! 扎花係大眼送俾老婆o架, 真係Sweet喇!
嘩! 搞到成9:00pm先走, 實餓死露花喇!
22 OCT 2009 (天晴)
經過o左兩次的Blog聚後, 好想有機會與各位係呢一兩年內於Blog上認識的日本狂迷來個大型聚會. 於是幾日前特意約好亞不同JJ一起商量, 終於有決定喇!
口號 : 日本遊狂迷大聚會 ~ BBQ
日期 : 29-11-2009 (星期日) 或 06-12-2009 (星期日)
地點 : 白石 www.whiteheadclub.com/Main-1.html
或
大尾篤燒烤王 www.taimeitukbbqking.com/
請於29/10/09前報名,如有任何疑問或要求都可以提出!!
現誠邀各位報名出席,請揀選日期、地點及人數!!
多謝支持!!
搞手 ~ 亞不& 亞PI
19 OCT 2009 (天陰有雨)
今晚有個好重要的約會呀! 就係約o左Blog友JJ及不老不死見面同食晚飯. (其實我們仲有個秘密任務o架! 係咩? 遲D話過你們知啦!)
相信有搵過日本旅遊資料的朋友, 唔多唔少都會上過吓她們兩位的Blog. 話說我都係JJ的網迷嚟o架. 今次有機會同她見面, 真係好開心! 哈哈! 唔記得叫她同我簽名Tim!
可惜我今晚好樣衰, 我遲到o左一粒鐘呀! 因為我今早上o左東莞, 4:00pm過回公司後, 本來諗住可以嗱嗱聲趕埋D o野早D走, 點知係6:00pm被老闆叫o左去開會, 一開開到7:30pm. (真係好鬼"忟"呀,我約o左她們7:30pm o架!) 唯有Call亞不, 叫她們食住先啦. 真係十分之唔好意思! 係度再講一次Sorry先!
去到"風月堂", 她們俾本Menu我問我食咩, 我話無所謂啦. 不過她們堅持要我睇喎! 啊! 原來內有乾坤, 俾大家睇睇, 係亞不送我o既見面禮呀! 真係好感動! 本來我都有見面禮o架, 不過趕住走, 唔記得o左拎. 下次oY! 俾個機會我們再出來啦!
睇吓我們點o既食物啦.
三個女人真係好長氣, 我們傾到十一點幾先走. 食沙律時, 傾到差D唔記得影相Tim!
臨走時, 梗係要同兩位影吓合照啦!
兩位姊妹, 一定要再約出來食過同傾過呀! 亞不下星期去日本玩開心D喇, 記住帶晒你的三位團友仔出發呀!
17 OCT 2009(天晴)
今早出門時個手提電話"Short"o左. 好彩今日咁啱我帶多o左個電話出街啫, 如果唔係都好麻煩. 又好好彩我今日要去銅鑼灣, 可以上完韓文去"索愛"的維修部睇睇部電話!
我12:45pm先拎部電話去整, 跟住去Edwin度針灸. 上到去, 竟然見到囝囝呀, 我本來都好想同囝囝影張相放係Blog, 不過見佢鬼咁怕醜, 都係算啦!
1:30pm左右BenBen到o左, 因為她要係Edwin度驗眼呀. 所以我們今日便約好一起去食晏. 大家你等我, 我等你, 搞到成2:45pm先係Edwin度走, 跟住再上去"索愛"取番部電話, 於是搞到要改為食下午茶, 都好oY!平d o麻!
可惜今日我們掛主傾, 唔記得o左影相Tim!
17 OCT 2009 (天晴)
由於開始睇韓國的旅遊書, 先前睇見"新假期"一本首爾旅遊書, 發現有兩小時的免費韓語學習 - 由電視明星"宋之齡"開的韓完學校. 於是便打電話去留位試試睇!
今早的上課時間由10:45am-12:15pm, 對於我每星期六要瞓到1:00pm先起身的人嚟講, 真係幾有難度. 不過由於我下午約o左BenBen食Lunch, 所以今天唯有要9:00am起身啦.
原來韓語的結構又幾得意果wor! 每個字都要由一個子音同母音合併先得o架!
上完個半小時的cours, 真係有d興趣去學吓. 等我農曆年去完後, 如果覺得韓國好玩的話, 便明年去學啦!
17 OCT 2009 (天晴)
终於決定去韓國滑雪! 今次的團友暫定8人, 有Honey媽一家, BenBen, 亞儉同我老公婆. 唔該未決定的老友快D回覆啦!
於上個月尾係Cathy個網上見到農曆年去韓國的機票為HK$2700+HK$414Tax. 睇落價錢都OK oY! 於是同Honey媽提及, 她同亞君都好有興趣. 就係咁便決定了我們的9天韓國遊喇!
今次主要去滑雪, 如果邊位網友去過High 1 或 O2, 唔該俾D意見oY! Thank you!
16 OCT 2009 (天晴)
取消完會籍後, 我們本打算到瓊華中心的笑笑食晚飯, 點知超多人等位. 於是我們便改去DIF Cafe.
話說呢間Cafe我們一直都想去試吓, 但每次經過時都係剛剛做完Gym, 無理由做完Gym去食d咁Heavy o既o野o架! 加上早排係網友MagMag個Blog到, 睇過她對DIF Cafe的評語都幾好.
今晚我們終於有機會去食喇, 可惜梅生無份. 等o左一陣就有位, 仲係卡位, 真好. 正當露花同亞儉睇餐牌來點他們每次於門外見到的"羊鞍"時, 點知"羊鞍"暫停, 他們都唔知幾失望! 最後他們分別點了"西冷排"同肉眼排", 而我點o左個芝士波菜魚柳長通粉.
先上湯.
睇吓主菜啦.
咁耐無咩勁食過, 當然要來多個甜品啦. 呢個巴菲好好味呀!
DIF Cafe的食物質素真係唔錯, 有機會要再去食過! 每人消費$120, 如果唔食排會平D Tim!
(其實我自己都係啫!
)
