10 OCT 2009 (天晴)
返番工都有三星期喇, 亦即代表我轉組轉o左三星期Lu!
初時知道要轉組, 其實真係唔太想, 因為原先拍開的三位同事都夾得好好, 大家每日都工作得好開心. 真係好多謝他們三位呢三年多的幫手!
不過無辦法啦, 事實原先個Team的生意越來越差, 如果我老闆唔先做D安排, 唔通等美國總公司出聲要Cut人咩? 起碼現在我掉o左去全公司最好生意及最忙個Team, 咁美國都無藉口要Cut人啦!
唔經唔覺係呢間公司都做o左差唔多四年喇, 一直以來都做得好開心, 因為老闆俾我們的自由度好高, 他為人亦好Nice
雖則我好明白上述所提及的事情, 但真係做的時候, 當然唔多唔少有一點的不順暢. 因為新組的同事們, 他們本身已合作了有10多年, 所以有一定的默契, 而我係老闆同美國公司指定要加入的, 唔知他們對我會有咩睇法! 都係果句啦, 唔理咁多, 最緊要做好自己的本份Lor!
老實講, 暫時我都未太習慣新Team的工作, 因為有好多款號呀, 工作程序呀都在摸索中. 
今個星期, 開始我舟車勞動的日子喇. 由於要陪美國來港的Production Director, 我呢個星期一(東莞), 星期四(中山)同星期五(東莞)都要上大陸, 上大陸唔緊要, 最慘係每日朝7出門, 晚8先有我回家呢! 真係搞到超級唔夠訓呀.
下個星期開始, 我要每星期上兩次大陸呀! 唉, 仲邊有時間寫Blog啦!
真係 '忙' 開始咗喇, 唯有諗吓你老細對你好好補數啦! 上大陸係車個時眠唔眠到嫁, 瞓一陣到好. 見到你都病咗, 我寧願你寫少啲 blog, 休息多啲呀!
回覆刪除[版主回覆10/18/2009 16:30:00]多謝關心!
真係好忙o下喎!
回覆刪除咁樣做法, 點會唔捱病喎! 都係果句 ~ 小心保重呀
[版主回覆10/18/2009 16:30:00]收到, 我會小心o既喇! Thanks!
你新到那TEAM 要一定時間才可以適應到,有些人係比較難相處,還有些人喜歡對新來的人施下馬威,這些人好討厭
回覆刪除[版主回覆10/18/2009 16:31:00]係Lor! 都唔明點解要咁, 大家Team work o米好Lor!
wa.......咁頻樸, 真係要小心身體, 唉.......
回覆刪除人在江湖, 身不由己
[版主回覆10/18/2009 16:32:00]盡量啦! Thanks!
加油! 明天會更好
回覆刪除[版主回覆10/18/2009 16:31:00]希望啦! Thanks!
唔駛諗咁多...我對你有信心嘅...好快就可以適應啫...no problem喎!!
回覆刪除[版主回覆10/18/2009 16:33:00]Thank you!
其實你同我比較吓...係唔係好好多呀...唉!!我重想嘔血同激Q死咗...再加上有d刻薄....嘩~嘩~越講越多...冇咗正能量(樣)!!!(*-*)!!!
回覆刪除[版主回覆10/18/2009 16:33:00]唉! 唯有睇開d啦! 大家加油!
去到一個新環境真係要時間嚟適應, 慢慢嚟啦! 撐您! 好似我咁, 係舊公司做左over 10yrs, 同d同事就好似一家人咁(除左老闆), 而家係新公司就唔同晒....仲要有個"無乜用"既上司(之前都未遇過), 我都無諗過我會同佢講 "I don't understand why you confused on that?", 死未. 不過年紀大嘞, 搵工唔易, 所以會繼續努力做下去. 叻靚醒, Keroppi (w/ 露花) 一齊努力啦!!
回覆刪除