16 OCT 2009 (天晴)
今晚約埋亞儉一起放工後上"TF Gym"取消會籍. 參加o左TF都兩年喇, 下個月便到期喇. 不過呢半年真係好懶, 無咩點上到去, 加上我掉組後每天都起碼7:00多才可收工. 所以大家便決定先取消會籍吧.
嘩!原來兩個幾月無出旺角, 真係有好多o野唔同o左o架.
1) 發現係西洋菜街的步行街上, 每隔一條街便有一部警車係度.
2) 有好多人排隊攞贈品, 條龍真係好長吓!
3) 有成班NDS狂迷約埋係度打機.
4) 有隻老虎狗係度玩滑板表演. 好特死得意!
呢隻沙皮係老虎狗的兄弟.
真係要得閒去旺角逛一逛先得!
咁多人一齊玩 nds o既? 係咪快閃黨o黎o架
回覆刪除隻老虎狗個樣都好無奈o下喎
我呢個荃灣師奶真係好少出旺角, 估唔到而家旺角係咁嫁. 真係好奇, 點解要咁樣玩 nds?
回覆刪除乜你咁夜先收工,咪好攰lor 乜旺角真係旺成咁?!
回覆刪除