22 DEC 2009 (天晴)
早幾日知道食完Buffet有得放早後, 我便決定今晚去Honey媽屋企做冬. 而我仍趁食晚飯前先去探吓Doris同細佬仔.
講開今次真係唔好意思, Doris生o左B成20日我先至有時間去探她同BB仔.
今日我先到觀塘地鐵站接亞橦, 跟住我們便去搵Doris姨姨.
去到寶琳, Doris提議不如一起去接杰昇放學. 好oY! 我都唔知有幾多10年無去幼稚園接放學喇, 記得以前都會經常去接我的細佬放學.
之後我們便一起返回Doris家, 終於可以見到細佬仔喇!
細佬仔, 好乖呀! 食完奶奶係度勁瞓, 我們幾嘈都對他無影響.
D薑醋好好味呀!多謝Doris! 祝細佬仔"晧佳"健康健康, 開開心心長大!
大家傾吓傾吓, 咁快就六點多. 要走喇! 於是, 我, 露花, 亞儉便同Honey媽一起返回婆婆家做冬.
今晚又要勞煩婆婆煮咁多美味的食物. 由於Honey媽的嫲嫲突然入院, 所以公公同婆婆要趕去醫院探望, 未能與我們一起食晚飯. 希望Honey媽的嫲嫲早日康復出院!
今晚大家都食得好滿足呀, 好鍾意食婆婆煮o既食物呀! 真係辛苦晒婆婆!
22 DEC 2009 (天晴)
今日係冬至呀! 不過今日天氣開始回暖, 唔係咁感受到冬至啫!
我公司每年聖誕節都有安排食Buffet的環節, 不過今年就提早了少少, 改為今日冬至去半島酒店食Lunch Buffet, 當冬至飯及聖誕節一起食吧! 對於我來講, 去邊食都無所謂, 最緊要係有無得收早. 好彩, 今年有得收半Day, 食完Buffet可以走人, 正!
我呢D咁識安排偷懶時間的人, 梗係嗱嗱淋係12:00pm前搞掂D o野, 一到12:30pm同我CB班同事即走啦! 當然仲有其他同事無咁準時走, 所以食Buffet最好, 可以邊食邊等!
今日我們其分o左三張枱坐.
坐低後, 出去睇吓有咩食先!
先睇甜品個Part!
跟住到冷盤!
因為唔係咁好意思影太多食物o既相, 所以有少部份食物沒有拍照.
不如睇吓我食o左D咩啦!
大家會唔會好奇怪, 點解得咁少o野食o既? 初時, 我們都以為係, 原來仲有個Main Course o架!
呢個係我點o既魚柳.
呢個羊係我同事點o既, 見幾靚仔, o米影埋它啦!
今日好難得可以攜眷出席, 所以老Mic同Jeff都帶埋他們的寶貝BB出席. 呢兩位小朋友, 真係好得意同鬼馬.
初時兩位小朋友都扮cool, 唔錯我們o架! 最終都被我氹到出來影相!
大家食飽後, 又到拍照時間喇!
2:30pm左右大家都開始走喇! 臨走前, 幫亞Mic影張幸福家庭照先!
真好! 可以早收工!
21 DEC 2009 (寒冷)
昨天下午突然收到小露的留言, 話她會於黃昏時候同兩位公子回港過聖誕.
我呢D咁鍾意八的老同學, 梗係即時回電及馬上約寶珍同囝囝出來同小露短聚一番啦. 可惜今晚囝囝唔得閒, 因為要幫亞仔整明天學校舉辦的Party食物. 唔緊要啦, 我們會有大把機會出來o既, 只要小露肯移動她的懶腿!
今晚我們3人約o左7:00pm係沙田區食飯, 大家都方便o麻! 最後我們決定去幫襯紅螞蟻. 由於今晚大家都個樣都比較攰, 所以我們唔想上鏡, 唯有只影食物啦!
我們大家都點了的沙律.
呢個係小露的大蝦天使麵.
呢個係我同寶珍點的芝士波菜蟹肉焗千層麵
大家都有3個月無見面喇! 話題梗係多到不得了啦, 剩係講我近來的麻煩工作, 都有把講啦! 由於明天要返工, 所以9:30pm我們便走人, 如果唔係肯定好似上次係新城市7/F咁被個經理勁啤.
話時話, 我都係覺得下次係下午出來食飯會去D, 因為真係可以長途賽, 食完Lunch, 仲可以去Tea, 咁o米可以傾四粒鍾啦!
祝寶珍同小露聖誕節快樂!
26 DEC 2008 (天晴)
終於到今日的主菜喇! 登!登!登!小丑哥哥出場喇!
睇吓!大家坐得幾定係度睇表演.
首先豐豐出來做幫手.
跟住子健又出來玩.
最後到亞晴.
跟住小丑哥哥表演吞汽球.
睇吓子健個樣幾驚!
吞完汽球, 又玩吞火Wor!
睇吓班小朋友幾開心!
之後到大人出來幫手喇! 唔知國寶掂唔掂呢?
睇完表演後, 到小丑哥哥送汽球環節喇! 好喇, 排隊呀!小朋友!
嘩!細佬仔攞o左把鎗Wor!
又有花花, 雨傘同小狗仔.
仲有皇冠, 電單車.
又有鴨仔, 兔仔, 相框同弓箭.
大家攞住d戰利品影番張大合照先!
總之, 小丑哥哥真係好勁. 識整咁多唔同的汽球造形. 呢$1,300元真係好抵玩!
