開心BBQ聚會

6 DEC 2009 (天晴)

好開心呀! 今日又可以同"亞不"及"亞Ming"兩位Blog友Blog聚. 今次的Blog聚真係好多謝亞不一直以來的吹雞, 雖然最後未能夠大班人參與, 不過人少都有人少的樂趣oY! 咁我們更加有多D的時間傾計及交換旅遊心得.

我, 叻靚醒, 露花, 亞儉同亞不約好1:00PM一起先到"白石BBQ場"攞爐, 而亞Ming一家會於2:00PM左右才到!

攞o左爐, 可以先去Order食物. 唔該晒亞不, 叻靚醒, 亞儉同露花喇! 而我的重任係要看守我們的貴重財物. 哈!哈!

睇吓, 我們叫o左好多o野食呀!

跟住我去Call工作人員來開爐. 不過呢位哥仔搞o左好耐都唔掂Wor!

最终都係要呢兩位男仕出手先得! 勁!

時間啱啱好, 搞掂個爐後, 亞Ming亦都剛剛到! 大家可以開餐喇!

小朋友食飽去o左玩, 我們幾個繼續邊食邊傾, 真開心! 加上今日的天氣好舒服, 又有海風, 真係好寫意.

亞Ming的三位小朋友好乖呀! 他們仲帶埋私家車來踩Tim!

之後仲去放風箏. 爸爸真係唔話得!

好搞笑! 話說亞Ming他們的第一隻風箏掛o左上樹, 他們一家便去追箏, 睇吓有咩計可以攞番落嚟. 我們相信唯一辦法係要爸爸爬上樹先得!

最後他們都係放棄了第一隻風箏. 正當我們以為他們死心之際, 原來他們又去買另一隻繼續放.

今次他們醒目喇, 去無樹的地方放, 仲放得好高, 玩得好開心呀! 仲有意外收獲, 他們搵到另一隻被遺棄的風箏來代替仍係樹上的風箏.

我們由1:00pm燒到成6:00pm, 真係好滿足. 白石的食物質素都唔錯Wor, 好好味!

臨走前, 大家影番張合照先啦!

希望快D有下次的聚會啦!

嘻! 多謝亞不的手信呀!