日本東北之旅 (Day 17 - 17/2/08) 上野,調布,深大寺,八王子,南大沢,上野

日本東北之旅18天遊 (Day 17)

17 FEB 2008   (天晴)  

今早9:00才起身, 之後我們4人(我,老公,Calvin及Tammy)陪同Alice兩公婆一起去食早餐

. (另外4位團友已經走左嗱!) 我們隨便係上野搵間Coffee Shop, 點知個早餐都有驚喜Wo! 個早餐好好食又好抵食Tim.

跟住我們便去睇錶, 今次我係咁易買左2只錶俾我2個細佬做手信, 老公就自己買了1只及幫亞光買1只, Calvin買了1只送俾梅爸, 而Alice也買了1只送俾伯母. 大家都有收獲, 除左Tammy. 由於我好快便決定買什麼錶俾我細佬, 為了爭取時間, 我同Tammy決定向第二個購物點出發

– 上野0101. (好嗱!Bye Bye嗱 Alice, 四眼哥! 我們返香港見啦!)

我同Tammy去到0101時, 0101尚未開門. 當時已有頗多的女仕在門口排隊等候. 我們都係第1次係日本排隊入百貨公司! 我們企係門口前, 算係頭10名入公司的客人吧, 今次真係見識到日本百貨公司員工係早上排列整齊的有禮貌打招呼型式了. 我們的目標其實係要睇Blue Label的, 但原來上野的0101只有Agnis b, 松板屋才有Blue Label . 因為我們唔想行, 所以最終都係放棄唔去, 都好!可以慳番!

然後我們同老公及Calvin會合後, 便坐JR去新宿, 轉京王線到調布站, 再轉巴士去深大寺. 今次去深大寺, 主要係去鬼太郎茶屋

睇吓及影吓相.當去到調布時, 見到一架鬼太郎巴士, 我們 二話不說便衝上去. 點知呢班車唔係去深大寺的. 但係唔知點解又會有鬼太郎公仔的? 而真係去鬼太郎茶屋的巴士又無鬼太郎公仔的, 好鬼奇Wo!

下車後, 感覺完全唔似身在東京, 因為周圍都好寧靜, 而且還有間規模唔小的深大寺, (由於當日有一些祭典, 所以都好熱鬧!)

我們四周圍影吓相

,玩吓狗

.

深大寺門外.

深大寺

之後食埋Lunch便離開深大寺. 今日的午餐係我去日本以來最唔好食的一間Soba店, 真係又貴又唔好食.

食. 

我們乘坐2: pm的巴士返回調布, 之後向我的至愛出發 – 八王子的Sanrio Puroland . 因為我想去同Keroppi影相呀. 

由於4:00pm後入場, 只收JPY1,000. 所以我們要Hea到夠鐘才入埸.

入埸後已經見到部份的Characters係大門口供人拍照, 之後我去information問吓, 今天還會唔會有Keroppi出場陪客人拍照, 可惜Keroppi今早已出來了, 所以我無機會同他影相了. 不過有Kuromi都好啦.

為左要影到Keroppi的真身, 我們唯有睇埋個show先走啦! 好彩我們坐得很前, 仲影到好多靚仔Keroppi Tim. 好開心

! 下次我真的好希望上午入去同Keroppi影相, 係就係貴左D, 又無咩玩, 但呢D錢都係唔慳得的.  

睇完Show, 即刻要趕去附近個Lafete Outlet. 點知, 上到月台見到咁多人o既,才知道原來前2個站發生了"人身事故"

. 所以我們決定出閘轉的士. 去到的士站都有唔少人係度等緊Wo, 第一次係日本坐的士要排隊的.

由於個Outlet係收8:00pm, 我們去到都已經差唔多7:00pm,所以大家要分頭行事嗱

! 我係咁短的時間都有收獲o架, 買左1個袋去做Gym用的, 另買左2套Twins Set的衫.

今日的行程完畢, 我們坐車返上野食晚餐(因為唔想晚餐Hea太耐, 所以都係去番第一晚的豚肉飯店食飯!). 由於明天早機, 所以都係要早一點回酒店收拾行李吧啦!

(消費總額) :

早餐	:	JPY        800.00(2人)
Lunch	:	JPY     1,600.00(2人)
Sanrio入場	:	JPY     2,000.00 (2人)
Suica 增值	:	JPY     1,000.00 (1人)
晚餐	:	JPY     1,300.00 (2人)
酒店	:	JPY     8,400.00 (2人)
合計	:	JPY   15,100.00 (2人)

 

上一篇 : 日本東北之旅 (Day 16 - 16/2/08) 會津若松, 輕井澤,上野

下一篇 : 日本東北之旅 (Day 18 - 18/2/08) 上野,成田機場,廣州,香港

 

日本東北之旅 (Day 16 - 16/2/08) 會津若松, 輕井澤,上野

日本東北之旅18天遊 (Day 16)

16 FEB 2008   (天晴)  

會津若松 09:11am > 郡山 10:13 am ([[快速]あいづライナー2号)

今早乘坐9:11am的JR往郡山, 所以今早我,老公, Tammy, Calvin及Alice老公婆決定到車站旁的快餐店食早餐

. 唔食早餐的團友約了9:00在車站門口等.

我們今早要先坐JR到郡山, 後再從郡山轉車返上野. 第一程車很順利咁到達郡山, 但第二程車我們發生了一件小意外.

由於郡山這段車的坐位好Full, 所以我們分開了2個車箱. 我,老公, Alice,四眼哥, Tammy及Calvin同一卡, 而老李,Kim Kim, Maggie 及 Shary 坐另一卡.  於10:28am有一班去東京的新幹線埋站, 當時我們6人都無留意班次名, 只見係去東京便上車了. 而另一邊的Maggie同Shary見到我們搬行李上車, 她倆也在另一邊車卡上車. 上車後, 我同Alice去我們預訂了的坐位, 吓!點解會有人坐左o架? 於是坐了我坐位的西裝叔叔(其實唔係我的坐位), 問我取票睇, 哦!原料我們上早了一班車

. 我立即返回門口跟老公他們說, 正當這時候, Maggie剛過來告訴我們, 老李同Kim Kim因為去了煙房, 所以沒有上車.哈!

好攪笑呀! 跟住老公即send短信俾老李, 通知他o係上野會合吧.

由於我們一行8人企晒係門口商量事情, 跟住剛才那位西裝叔叔好唔放心咁走來用流利的英語問我們目的地是那裡, 及告知我們下個站會在差不多1小時才到, 而且他還跟車長講我們搭錯了車, 請車長俾坐位我們坐. 西裝叔叔真係好好人呀, 仲好有威嚴呀!

後來我坐在他後面, 再次向他多謝, 之後還與他交換了咭片, 嘩!原來他是建築公司的GM, 還剛剛幫銀座的半島酒店做完工程, 唔怪得知他叫車長安排坐位時個種老闆權威係咁勁啦!

後來我同老公再一次出門口睇睇個新幹線的行車表, 發現我們可於大宮轉車直接去輕井澤. 於是我們便再Send短信俾老李, 通知他們係大宮站等.

我們8人在大宮站下了車, 但我們個月台同是15番,老李下車個月台是14番. 他們的火車將卡11:34am到. 我們先行到他們會落車那卡, 當火車到達時, 我們睇見了他們, 但因他們唔知我們是在另一月台, 好驚他們無落車呀!

於是我們成班係月台上大叫他們, 終於他們聽到了及下車過來我們的月台取回自已的行李.

人齊後, 我們先到JR大堂重新再訂新幹線車票, 之後問車長附近有無大的Locker, 但他說沒有. 最後我們唯有到輕井澤後才找Locker啦!

大宮  12:10pm > 輕井澤 13:05 pm (長野新幹線)

到達輕井澤後, 我們先到地下的Locker睇睇,  好彩都有吉Locker. 之後老李去唱散銀時發現車站上有一地方是可放行李的, 仲係JPY400/8小時. 真好!於是我們大件的行李全放在處, 其他小物件便照開Locker.

我們一起向”Outlet”出發, 到達Outlet 後, 老公及Calvin決定再去滑多一次雪.

 而其他人也開始自由活動, 約好7:00pm係萬福門口等, 因為今晚的晚餐是每次到輕井澤都會幫襯的”近江牛”. 大家血拼了個半小時候, 開始有點肚餓了, 於是我們去食Crepes, 仲係Kim Kim請客Tim呀!

之後我們便男女分開 Shopping.  我,Alice及Tammy先去萬福訂位, 吓, 今晚竟然Full 晒. 好彩老闆都念舊, 話留番2張枱係7:30pm俾我地. 無問題啦!最多o米夜一點回東京Law.

大家各自繼續大採購, 而且都好準時的係萬福門口等. 終於開始我們的晚餐了, 其實都真係幾肚餓. 我們共分了2枱, 一坐低便即Order我們的至愛"Sukiyaki". 

 

大家食飽飽後, 好滿足咁去取回行李後便坐長野新幹線返東京.

回到酒店, 團友們都要開始執行李了. 因為我老公婆會同Tammy及Calvin遲1天才走, 所以無需咁急收拾行李.

話時話, 我好似無影過呢間酒店的相Wo! 話實, 這間酒店真係幾細及幾舊, Kim Kim間房直頭係以前苦讀窮書生的房間咁, 只有一個勁簡單的櫃及一張盡枱.

 

呢張係我間房的Double Bed.

好嗱!團友們早D抖啦!返香港見!

(消費總額) :

早餐	:	JPY        850.00(2人)
Locker	:	JPY     1,000.00 (2人)
Ski	:	JPY     7,000.00 (1人)
晚餐	:	JPY     9,000.00 (2人)
酒店	:	JPY     8,800.00 (2人)
合計	:	JPY   26,650.00 (2人)

 

上一篇 : 日本東北之旅 (Day 15 - 15/2/08) 會津若松, 大內宿, 喜多方 – 下篇

下一篇 : 日本東北之旅 (Day 17 - 17/2/08) 上野,調布,深大寺,八王子,南大沢,上野