30 APRIL 2009 (天晴)
今日呢餐飯都約o左好耐先成事. 因為要等Joanne放假, 又要夾啱契仔契女假期. 终於兩星期前亞昌打電話落實今晚的飯局. 但可惜今晚嘉熙因為感冒無來到!
他們選了尖沙咀的水車屋食日本料理放題.
們呢度D甜品真係唔錯. 我們5個人食了30件燒波羅, 另外個紅豆都好食. 仲有天婦羅香蕉, 唔記得o左影相Tim!
難得夜晚可以同吳家出來食飯, 梗係要影番張合照啦!
臨走時, 要同寶怡影番張校服相合照先!
今晚好開心, 又食又拎. 真係好多謝亞昌請食飯及Joanne的禮物.
希望我們兩家人可以經常出來食吓飯啦!
話時話我們成班人都於2003年8月時係呢度食過放題o家! 等我Post番d舊相出來懷舊吓先.
2009復活節兩天遊 (Day 2)
12 APRIL 2009 (天陰)
大家食飽飯後, 便再去幻彩天地o拿! 因為我們Book o左1:00pm玩整陶瓷. 本來我都有份一起玩, 因一次最多4人參與, 所以我個位讓o左俾樂怡. 不過唔緊要, 我4:00pm都走去玩o左一轉.
一入陶瓷工房, 便睇見唔少的制成品.
Step 1 : 一起用拳頭大力的"dup"泥
Step 2 : 大家要搓好心目中想要的物件.
Step 3 : 物件型態出來後, 便可以洗手.
Step 4 : 要幫自己的成品化妝. 睇吓大家的制成品先.
呢件係亞晴的.
呢件係寶怡的成品.
呢件係豐豐的成品.
之後我都走去玩吓! 真係要講番句 :我Keroppi真係小兒科, "渣"過d細路哥! 最終我的成品出來了(見左下角相片), 不過都係要靠老師幫手!
Step 5 : 老師幫我們燒瓷, 上色. 2星期後可用EMS寄回我們, 每件收費RMB80.00.
唔知下星期會唔會收到呢? 收到後再post出來俾大家睇睇啦!
2009年復活節兩天遊 (Day 2)
12 APRIL 2009 (天陰)
當他們上晒車後, 我同老公發現唔見o左亞儉wor! 吓! 亞儉失蹤o左! 所以我們要走番去泳池摷他. 點知揾勻成個泳池都唔見他wor, 好彩係第二個出口度终於見到亞儉.
趁小朋友們返回房間沖涼的時候, 我帶老公同亞儉去八吓個Golf Club. 呢度都幾有泰國的Resort Feel o家!
跟住我們也返回房間幫手拎o野去Check Out.
我去搞Check Out, 團友們可先到中菜廳攞位.
呢餐D餸都係好大碟呀! 大家都食得好飽呀!
2009年復活節兩天遊 (Day 2)
12 APRIL 2009 (天陰)
架車送我們到游泳池, 因為豐豐, 寶怡同嘉熙昨天已經好想去游水. 但昨天實在無時間, 加上所謂室內泳池, D水都係凍o既. 所以唔可以俾他們晚上游水, 唯有今日去游吧.
其實只有他們3位小朋友及Windy游, 我們全部只係去八卦及影相啫! 先影吓室內泳池個靚樣.
唔怕凍的運動員換完衫出來o拿!
嘩! 黎生好嚴厲呀, 成個魔鬼教練咁. 雖然豐豐有可能係未來的香港代表, 但今日出來玩o麻, o米有得他Hea吓Lor!
再影吓泳池的其他地方.
跟住到室外泳池o拿!
由於d水凍, 所以亞晴同亞橦都係玩吓水算o拿!
大家游完水, 原來呢度的沖身係凍水泥o家! 梗係唔點啦, 拿拿淋返房沖吧.
之後, 亞昌同黎生兩家人先返房沖身及收拾行李. 因為12:00pm要Check Out.
27 APRIL 2009 (天晴)
紅磡 08: 18a m > 廣州東 10:10 am (直通火車)
自從入o左呢間公司之後, 每年的4月, 5月, 8月, 10月同11月我都會係比較Busy. 因為4月,10月有各式各樣的展覽會, 而5月同11月公司的Designer會來港兩星期做Development.
好似呢兩個星期, 我的Schedule都排得滿滿. 今日去廣交會, 明天係東莞驗貨, 星期三去中山睇貨, 星期四行香港Gift Show, 下星期一再去交易會等.....等. 講真, 現在D咁o既環境, 真係有得忙好過無得忙.
今次我同老細一起去交易會, 平時我們的Suppliers通常都係位於Hall 9-12. 但今次竟然係Hall 14-16的較多. 我們真係第一次過那邊, 睇吓!嘩! 原來Hall 14-16 咁遠o家, 步行的話都要花10分鐘吧. 可況我們仲有手拉車! 好彩老細醒目, 見到有得排隊坐車過去.
係度真係要讚吓主辦單位的細心, 而且車的數量都唔少. 呢點真係做得好好!
我們行到4:00pm多, 跟住便坐和諧號去常平. 因為今晚會住在太子酒店, 明天要落廠睇貨.
26 APRIL 2009 (陰天)
今日係亞光女兒的滿月. 所以今晚我, 老公同爸媽一起北上飲"澤瑩BeBe女"的滿月酒.
今晚亞光選o左係深圳新都酒店的丹桂軒擺酒, 呢度環境唔錯, 食物水準都OK! 今次係我第一次見BeBe女, 先前係香港都唔得閒去醫院探"妹妹".
點解妹妹同澤盈咁耐都未到o既, 哥哥澤舜同爸爸就一早便到o左! 大家都要埋席o拿, 先食d應節食品.
E!主角终於來o拿! 果然係主角, 一定要最後先出場! BB女好唔得閒, 不停咁俾各位親友抱抱. 終於到我呢個堂姑媽o拿!
BB女都好似哥哥細個時果樣wor! Post番張舜的BeBe照出來比拚吓先.
2003年
係度祝澤瑩BeBe女開開心心, 健健康康! 亞光同妹妹開心啦, 一個好字, 俾心機搵銀養他們o拿!
25 APRIL 2009 (大雨)
上星期已約好今天同Czen, Tammy, 亞儉, Alice同Common去亞君Club House度BBQ的. 可惜今天上午竟然來個黃色暴雨, 咁叫我們點燒呀. 我們希望等到1:00pm再睇睇是否要取消. 最終我們都係決定要擇日重賽吧.
因為我今日好早便去了藍田整頭髮, 諗住搞掂可以去將中o麻. 點知, 現在取消BBQ, 咁我點算呢? 唔通返屋企, 吓! 唔好啦, 出o左來, 唔想咁就歸家Wor! 正當愁緊的時候, Doris來電話想打牌, Oh! Good Idea! 我都好想呀. 我即二話不說, 先打俾Rosand, 再約四眼哥. 哈! 搞掂! 4:00pm有牌打!
我同Alice先去將中嘆個下午荼餐先. 跟住便上Rosand家開枱! 我今日好好運呀, 终於一家贏3家, 好耐都未試過呀. 所以一定要寫番篇Blog記低先.
