復活節兩天遊 (Day 1 -11/4/2009) - 棕櫚島中篇

2009復活節兩天遊 (Day 1)

11 APRIL 2009   (天晴)

大家參觀完之後, 落番地下Book o左D要玩的項目先!

首先Book最受歡迎的"陶瓷製作", 不過今天已Full, 要Book明天1:00pm個段時間, 只可4個人玩! 咁今日先玩"馬賽克"啦, 都要5:00pm先有位呀, 又係最多4個人參與炸! 我們仲訂了兩張乒乓枱一小時! 玩完o米可以食晚飯啦! 

由於係復活節, 幻彩天地都安排o左一個小型復活節嘉年華. 呢個嘉年華都有唔少o野玩o家!

我們先去玩攤位遊戲, 每個遊戲都係RMB5.00一次. 一場來到, 梗係俾契仔契女玩吓啦!

先玩掟豆袋. 當然無得到獎啦!

跟住玩掟波波! 呢遊戲係無可能會贏o既, 因為我們懷疑塊板係有d鬼馬o既! 我們明明可以入有顏色的窿, 但唔知點解個波會自動改入無顏色窿.

之後我們改去掟飛標.

呢個掂呀

! 老公同亞昌得了個小獎, 亞儉得了個中獎. 禮物分別俾o左亞晴同嘉熙!

玩完攤位遊戲後, E~有小丑出來wor! 原來小丑出來吹波波俾小朋友.

都係時候要去攞房o拿! 我們每間屋各安排2-3人先去幫手攞行李及攞房, 其他人可以係度睇住d小朋友繼續玩. (我, 老公, 亞儉同Rosand梗係做苦力代表啦, 仲加埋黎生同Common!)

之後再返去幻彩天地, 因為3:30pm有尋找復活蛋及自由繪畫的遊戲. 當我們返到去時, 剛玩完了尋找復活蛋遊戲了. 亞晴搵到一隻, 嘉熙同寶怡合作揾到5隻, 所以得到第2名!嘉熙好叻, 繼日本一役後, 有再為港隊爭光!

每個參與的小朋友都有一份小小紀念品Tim!

跟住大家又要排隊攞雨衣(係高爾夫球內)來玩自由繪畫遊戲!

小朋友可能會覺得呢個遊戲好好玩, 但大人睇到眼定定

, 因為他們把掃的油不停的滴, 係他們附近真係好危險. 亦都驚他們自己滴到自己, 到時件衫可以唔駛要o拿!   所以玩o左真係好一陣, 大家便叫小朋友唔好玩o拿, 走o拿

! 當時他們的手已經中o左招! 

 

玩完咁多o野, 都係4:00pm炸, 係時候到大人Hea吓啦. 所以我們決定坐車去會所Tea吓先,

5:00pm再返來玩"馬賽克"及乒乓波!

 

待續......