日本合家歡之旅 - (Day6 - 27/1/09) - 輕井沢四圍逛篇

2009日本之旅今17天遊 (Day 6) - 大年初二

27 FEB 2009 (天晴)

越後湯沢 12:03 > 高崎 12:28 (新幹線)

高崎 12:32 > 輕井沢 12:50 (新幹線)

我們到達輕井沢後, 第一件指定動作梗係存放行李啦! 自從去年搵到呢個存放行李的Counter, 真係幾大個o急都唔駛驚呀! JPY400放全日,

之後我們先向食街出發! 因為食Lunch時間又到了! 本來我打算去食蛋包飯, 但今天竟然休業

! 唯有試吓另一間啦! 呢間店的豬扒飯的秘製醬汁話係大正四年創業wor!

老實講無想像中咁好食! 不過今日有蒸蛋附送, 平時係要付款o架!

食飽後, 梗係要去

消化吓啦! 其實剛才我們途經時, 見東館好似好靜咁, 於是老公,梅生同亞儉過去八吓, 果然那邊無開! 於是我入Information問吓, 原來今天只開西館, 東館休息!

 Joan同亞昌仲諗住係Nike, Addidas同agnes'b狂掃貨Tim!

無計, 唯有只逛西館啦! 咁o米可以慳番D Lor

! 我仲要先到""萬屋"訂今晚晚餐的坐位!

我們分頭行事, 女仕們去Shopping.

初時老公都陪我行了一會, 而亞晴同嘉熙就係每間Shop的門外坐低打NDS等我們!

跟住老公, 亞儉同梅生去嘆啡

而亞君仲勁

!他要坐係育嬰室陪亞橦午睡! 因為亞橦食晏時已經開始午睡了

!

Shopping小插曲 : 今日我同Joan分別買了一小袋襪, 我總共買了JPY2,000多. 之後同亞昌去"Samsonite"買了一個平靚正o急. 跟住我們係門口見到隻好可愛的"金毛犬", 對於愛狗的我, 梗係要行埋去玩一陣及影吓相先啦!

當狗狗同主人婆婆走o左後, 我發現我剛買的那袋襪唔見了

! 心諗, 好可能係剛才那位婆婆整理木椅上的物件時, 一并把我那袋取走吧! 吓! 點算好呢

??? 唔緊要, 因為婆婆同狗狗剛才入了前面那間Shop好多次, 可能Shop內的姐姐幫到手! 於是我走入去問吓, 原來婆婆係老闆o黎o家

! 於是我請店內的姐姐幫忙問問婆婆, 因為我會係2月1日再來輕井澤, 所以可以到時拿番吧, 最後我留低了電話 號碼. 究竟我可唔可以搵番袋襪呢

? 遲d再Post出來吧!

後來, 亞橦醒o左, 於是同幾位小朋友去行吓精品店. 睇吓佢地拿起D公仔影相幾咁開心!

跟住我們3位女仕再繼續Shop, 而男仕們便帶了小朋友到樓上的Lego店玩! 之後6:30pm各自到"萬堅"集合!

我們3位女仕Shop到過o左少少時才到達"萬屋". 第一件事先同老闆Say個Hi, 之後便Order"近江牛". 我們總共order了10個"近江牛"set, 每個價值JPY3,800!

嘉熙係一個"牛精"!

時間又差不多了! 我們要坐20:02的新幹線返上野呀!

上車後, 我們接到Carol電話, 他們一家人剛下機. 於是老公便約了他們係新宿站會合.

而我同亞昌, 亞君便先係上野返常盤台!

老公他們同Carol差唔多23:00多才到常盤台. 先去打過招呼, 明天我們一行16人要一早起身殺去"Mother Farm"呀!

 

(消費總額) :

行李寄存	:	JPY        400.00 (2人)
Lunch	:	JPY     2,257.50 (2人)
晚餐 近江牛	:	JPY     8,200.00 (2人)
酒店	:	JPY     7,600.00 (2人)
合計	:	JPY   18,457.50 (2人)

 

嘉熙旅遊日誌 :

 

上一篇 : 日本合家歡之旅 - (Day6 - 27/1/09) - 上越國際酒店, 越後湯沢駅

下一篇 : 日本合家歡之旅 - (Day7 - 28/1/09) - Mother Farm 上午篇