2009日本之旅17天遊 (Day 8)
29 JAN 2009 (下雨,天陰)
今早我們的早餐時間係9:30am. 由於大家要排隊洗面
大家梳洗完後, 先係長枱上嘆番杯靚茶
之後我們出露台再影吓相, 因為昨晚到Cottage時都已經天黑, 都無出露台參觀過!影吓影吓, 個天開始下雨Tim!
好o拿! 大家Hea完o拿, 要起程去食早餐o拿! 我帶住寶怡同亞橦行先, 因為我想到Cottage後面再睇睇, 仲可以影多幾張相o麻!
又要影吓Cottage個正門先.
我們又要拖住行李沿住昨天的路行去餐廳, 到達呢個大型的戶外燒烤場, 大家興起要影番張相先.
D雨越落越大Tim
一步入餐廳, 已經見到有2張枱放好了沙律. E~果然我們又包廳! 正!
嘩, 個早餐好豐富wor! D包仲好好味Tim, 夠熱夠新鮮!仲有新鮮牛奶呀!
食完早餐, 我要到隔離的雪糕店Check Out.所有行李可先存放在餐廳, 他們會稍後幫忙車去"案內所".
等緊班團友出來之際, 影一影周邊的環境先.
呢幾個汽水機, 我, 老公, 亞儉, 梅生, Carol同子健尋晚食完飯後, 走出來閒逛時係度摸黑買熱咖啡同熱朱古力的地方. 點解摸黑, 因為周圍都無咩燈, 我們用手機來照住部汽水機睇吓有咩可以買, 當我們買完時, 隔離辦事處位工作人員才出來開燈, 啊!原來右手面藍色牌上有個燈制o家! 我們真係傻仔o拿!
搞掂晒! 可以再向牧場出發. 入牧場前影番張大合照先!
本來呢張相係可以齊16人o家, 原先我們見到位叔叔, o米請他幫我們揸機Lor, 條友仔仲好大聲咁用英文講 "Are you ready?", 而我們亦都好大聲咁答佢 "Ready!", 當老公去拎番部傻瓜機睇吓時, E~無相wor! 梗係位亞叔以為對焦個吓Dodo便當影o左啦, 唉! 我們諗住叫佢幫手影過都唔得, 因為他一個箭步咁走鬼o左, 真係唔知俾佢笑死定激死!
上一篇 : 日本合家歡之旅 - (Day7 - 28/1/09) Mother Farm - 住宿篇
下一篇 : 日本合家歡之旅 - (Day8 - 29/1/09) - Mother Farm 剪羊毛篇
沒有留言:
張貼留言