2009日本之旅17天遊 (Day 7)
28 JAN 2009 (天陰)
"Farm Tour"之後, 我們係"案內所"附近自由活動, 各位團友可周圍影吓相啦.
見到呢隻牧場的表演黑豬, 好鬼得意呀!
"Mother Fam"真係有好多日本人帶同自己的寵物來逛逛的. 睇, 我同亞晴可以同可愛狗仔影相!
影相時遇見有幾位日本導遊姐姐, 原來她們係帶巴土團o既. 見她們都幾靚女, 梗係要影番張相啦!
到牧場內唯一店舖買手信啦!
Shop內的名物係一大支新鮮牛奶, 梅生買o左支今晚俾大家品嚐吓wor!
時間參唔多了, 我們要去"案內所"取行李及坐車去今晚入住的Cottage! 啊! 原來我們的行李已全部安排先到Cottage的辦事處了. 未見實物, 先睇睇個Floor Plan! 收費為1晚JPY44,000, 最多可住16人.
辦理完Check In手續, 工作人員帶我們去Cottage! 可能因為冬天的關係, 今晚只有我們16人在牧場內入住. 所以Cottage附近都好鬼靜, 好在我們夠晒人氣, 如果唔係都o米話唔驚呀!
行完一段小路, 终於到達了. 當大家入屋後, 即嘩!嘩!大叫, 因為今晚可以16人一起住呢間咁大的Cottage, 大家都覺得好興奮及好有去Camp Feel. 特別係班小朋友, 可以一齊玩成晚! 超開心!
先介紹吓間屋啦!
玄關及2個洗手間.
3個洗面位及浴室.
開放式廚房.
大廳.
1樓有3間房.
大廳.
2樓有2間房.
今晚我們的晚餐係食燒肉, 要預早訂定o家! 有普通和牛 - JPY2,100, 上級和牛 - JP&Y2,900, 羊肉 - JPY1,750.
因為先前上網睇資料時, 牧場都幾推介呢度的羊肉, 所以老公今晚便食羊, 而我就食上級和牛!
小朋友食兒童餐 JPY680.
講真我們咁早食晚飯, 再睇吓D份量, 好似唔多夠wor! 最慘係周邊都無o野可以買, 我們又無特別帶d乾糧來. 唯有夜d飲梅生買的巨奶啦! 睇怕今晚都係早d訓o米唔會肚餓Lor!
間屋都ok, 不過風筒要打電話問辦事處取. 另外, 最騎"哩"係食完晒d o野係唔會有人來收拾o家! 即使我打電話請他們來收拾, 工作人員都話明天才會處理. 於是我們便自行把所有碗碟放晒係廚房的洗手盤內, 當然只係洗我們要用番的水杯Lor!
食飽飽後, 小朋友先洗澡, 大人們難得可以11人一起係個咁大的廳成晚傾吓計,講吓呢幾日的旅遊樂事, 真係好開心. 10:00PM左右, 小朋友都係時候要訓覺o拿! 因為今早真係太早起身o麻 !而今晚仍都係我呢個旅程中, 最早訓的一晚!
由於我們係食燒肉, 所以全間屋都彌漫住強烈的燒烤味. Carol第二日起身仲話半夜醒來時係2樓都聞到D烤味呀! 所以如果大家有機會住呢個Cottage, 記住燒烤時一定要開窗呀!
(消費總額) :
早餐 : JPY 762.00(2人) 東武東上線 : JPY 320.00 (2人) 丸之內線 : JPY 380.00 (2人) 總武本線快速 : JPY 2,900.00 (2人) 入場費 : JPY 3,6000.00 (2人) Lunch : JPY 1,860.00 (2人) 晚餐 : JPY 4,650.00 (2人) Cottage : JPY 8,000.00 (2人) 合計 : JPY 22,472.00 (2人)
嘉熙的旅遊日誌 :
上一篇 : 日本合家歡之旅 - (Day7 - 28/1/09) Mother Farm - Farm Tour篇
下一篇 : 日本合家歡之旅 - (Day8 - 29/1/09) Mother Farm - 早餐篇
沒有留言:
張貼留言