2009日本之旅17天遊 (Day 8)
29 JAN 2009 (天陰)
摘完士多啤梨後, 已經停雨了, 好o野!
摘完士多啤梨已經係1:15pm, 而我們需要乘坐2:45pm的免費巴士回君津JR站. 加上剛剛食完唔少的士多啤梨, 所以大家決定唔食午餐了. 而小朋友現在最想玩的就係講o左好耐要去玩的兒童樂園o拿!
我們一起行返上山, 邊行邊影吓相.
當大家要去洗手間的時候, 竟然見到有樣大人細路都啱又唔駛錢的玩意wor! 大家梗係要"撲"過去試試啦!
就係咁, 我們又玩了20多分鐘!
之後我, 老公, 儉儉同梅生便與三個家庭暫時分道揚鑣, 因為我們想去其他地方o左睇睇及影相. 而他們便帶小朋友們去兒童樂園.
我們4人又周圍影吓先啦!
跟住經過一個馬場及馬房. D馬都幾靚仔o家!
呢個馬房仲有得"吸印"仔Tim! 係呢個時候嘉熙同子健跑上來搵我們, 所以我們便一起去"吸印"!
之後嘉熙同子健等埋其他人便去兒童樂園. 呢個兒童樂團的遊戲是要個別付款的, 由於時間不足, 加上先前落雨, 有部份遊戲不能玩. 他們最後選了"過山車"玩.
當班小朋友玩緊過山車之際, 我們4條友仔走去食軟雪糕. (因為亞晴亞橦唔可以食雪糕, 我們唯有襯她們唔係度時走去食啦!)
食完雪糕後, 呢3位男仕係案內所附近Hea, 而我見到今早表演的那班羊咩咩出o左來, 我梗係過去睇睇.
呢隻羊個嘴係合唔埋o家!
呢隻羊唔知睇唔睇到o野呢?
呢隻羊雖然係黑色,但D毛色又唔係太黑wor!
仲拍到羊咩咩的有趣短片呀!
後來我又見到一隻好可愛的柴犬呀! 我梗係要同牠影合照啦.
時間都差唔多o拿! 係時候要去攞番D行李走人!
我們要坐呢班巴士去君津JR站!
大家見仲有D時間, 當然要影返幾張大門口照啦!
唔得, 唔得! 一定要揾人幫忙影番張16人合照先!
基本上我們呢兩日要玩, 要睇的節目都已經差唔多, 只欠無睇鴨仔巡遊同昨日遇見的那隻黑豬的表演.
兩日行程完滿結束! 大家都玩得好開心!
上一篇 : 日本合家歡之旅 - (Day8 - 29/1/09) - Mother Farm 摘士多啤梨篇
下一篇 : 日本合家歡之旅 - (Day8 - 29/1/09) - 君津 > 常盤台
沒有留言:
張貼留言