2009日本之旅17天遊 (Day 8)
29 JAN 2009 (下雨, 天陰)
我們再一次用昨天的入場卷入牧場. 今早的雨真的落得唔細呀, 牧場又咁空曠, 真係好鬼凍呀!
今次我們由另一邊山下步行去山上. 沿途的風險都唔錯, 仲見到一個好大的迷宮. 如果唔係落雨, 相信班細路都會走入去玩玩.
因為今早較我先前預定的時間遲了一點出發, 加上落雨. 所以我們都決定見嘜睇嘜吧, 無需按先前的計劃. 當我們行到"案內所"附近的室內表演館時, 剛好11:00有剪羊毛表演, 於是我們便入去搵位慢慢欣賞.
開始o拿! 一開始係逐隻逐隻每同國家的羊出場及介紹, 雖然我們唔知主持人講咩, 不過大家都睇得好開心, 因為每隻羊一出來就即刻低頭猛食面前的食物, 有D又唔知點解硬係要食隔離隻羊的食物o既! 好搞鬼!
介紹完後, 主持人帶同其中一隻羊咩咩繞場一周, 仲俾我們d觀眾餵食及觸摸!
跟住主持人開始表演剪羊毛o拿!
之後主持人要揾幾位小朋友上台同BB羊接觸, 咁難得的機會我們梗係要參與啦. 我即是舉手, 所以主持人選了我帶亞晴上台.
上台後, 原來係要餵羊BB飲奶奶呀, D羊BB好可愛, 好得意呀, 仲好用力咁啜奶樽Tim!
與觀眾同樂後, 跟住係獵犬的出場, 首先係老大出來, 牠好叻咁聽主持人的哨子聲做動作, 仲不停咁圍住D羊走來走去. 後來再介紹多2隻狗女出場, 全場不停咁聽到哨子聲同狗吠聲. 好熱鬧呀!
所有表演完畢後, 我們可以上台同3隻獵犬拍照!
仲有羊咩咩Tim!
呢隻坐係最高位, 仲係第一隻出埸o家, 成隻羊皇后咁款!
梗係唔少得羊BB啦!
睇完表演, 我們決定去摘士多啤梨o拿!
上一篇 : 日本合家歡之旅 - (Day8 - 29/1/09) Mother Farm - 早餐篇
下一篇 : 日本合家歡之旅 - (Day8 - 29/1/09) - Mother Farm 摘士多啤梨篇
沒有留言:
張貼留言