2009日本之旅17天遊 (Day 8)
29 JAN 2009 (天陰,下雨)
睇完剪羊毛後, 我們便要揾去士多啤梨園的路o拿!
出o左表演館後, 我們見到隻好可愛的小狗呀. 真係一定要同牠影番張相先!
之後遇見班來旅行的小學生, 好鬼馬o家!我忍唔住影吓他們, 點知成班失晒控, 搞到要俾一位年老的Miss鬧! 真係累o左他們Tim!
本來我們個Plan係食完早餐後摘士多啤梨的, 現改為12:00pm後才去, 咁要食多D先得o拿, 睇情況我們都會無時間食Lunch!
一齊出發去士多啤梨園! GO!
行o左10多分鐘吧, 終於見到D溫室o拿!
呢個士多啤梨園, 係要收入場費 - 每人JPY200, 無得任食, 摘完拎走每100gm需付JPY200.
今次係我第三年摘士多啤梨, 先前兩次都係JPY1500左右, 可任食. 但經過今次的經驗, 我們覺得呢次抵D, 有唔洗夾硬食! 今次我兩公婆, 亞儉同梅生, 總共摘滿了3兜 (我們先摘了2兜, 食完後想再食多1兜, 於是入去再摘多1兜) 加埋入場費每人約JPY950.00, 都已經覺得好滿足! 加上呢次的士多啤梨真的好甜, 好好味, 所以格外覺得抵食,抵玩.
呢度的士多啤梨品種係咩, 睇吓相啦!
入場時, 話就話限15分鐘, 其實都無限時, 可能只有我們16人吧. 所以我們有好多時間係度慢慢睇, 慢慢摘, 慢慢影相.
溫室內仲好乾淨同闊落, 仲可以企係度摘, 真舒服呀!
我們當然都影o左唔少相啦!
跟住梗係家庭合照啦!
摘完, 俾完錢後, 我們可以去另一個地方坐得慢慢食, 仲有奶提供Tim!
嘩!真係好大粒呀!
上一篇 : 日本合家歡之旅 - (Day8 - 29/1/09) - Mother Farm 剪羊毛篇
沒有留言:
張貼留言