14 FEB 2011 (勁凍)
今日是兔年的第一日開工, 點解唔放埋今日o架? 話晒今日係情人節, 仲鬼死咁凍Tim, 唔駛返工, 你話幾好呢.
本來打算今晚放工後, 去味千食o野叫做係咁易慶祝吓. 點知, 11:00am多收到Honey媽電話, 問我係咪想今晚打邊爐? 咁好的提議, 梗係即刻約人啦, 就係咁今晚約埋單身的亞Kim及老公要返工唔得閒陪的叻靚醒一起到Honey媽家打邊爐.
今晚真係好多謝婆婆同公公為我們安排的美味食物.
呢D豆苗餃子係婆婆親手包o架, 好似陳生都有份包o架.
未開始前, 我們先試吓由亞Dume於印尼帶回來的手信先. 呢D全係她親手整的, 今早她先剛由印尼放假回來.
有千層糕
有香蕉片.
話晒係情人節, 當然要有個情人節蛋糕啦. 於是我放工經過東海堂買o左個好可愛的熊仔蛋糕.
朱古力又點少得呢.
打完邊爐後, 我們繼續吹水, 傾到12:30am先走, 傾計的時侯, 叮o左幾件我們於韓國魚市場買返來的魚乾食.
其實情人節唔一定只同情人過的, 能與一班好朋友一起渡過都唔錯o架!
21 FEB 2011 (回暖)
今晚終於可以與認識了兩年的Blog友MagMag見面喇! 先前我們約過兩次出來, 最後都要改期.
與MagMag投契的原因, 相信因為大家也是日遊迷及影相迷. 今晚我們約了到 i-square的 鎌倉和茶房夢見屋.因為貪呢度可以坐足兩小時或以上.
開餐前, 搵人幫忙影張相先.
雖然我們是第一次真正見面, 但我們好似已經好熟悉對方咁. 因為我們除在Blog又聯絡外, 我們更會在facebook及mss互通消息. 最好笑是MagMag有一日在街上見到我的一位好朋友 BenBen, 她覺得她好面熟, 好似認識她咁. 諗吓諗吓, 原來她是Keroppi的朋友.
今晚可以同MagMag見面, 真係好開心, 希望我們可以Keep住見吓面啦!
