公司首次旅行

28 JAN 2011 (寒冷)

今年我公司新人事新作風, 無厘頭唔搞Annual Dinner, 改去旅行及晚上唱K. 真係唔多接受到Lor! Annual Dinner話晒都係對住D亞姐三粒鐘左右, 最緊要是有獎抽o麻! 家陣改去旅行及唱K, 要對足D亞姐全日, 仲要焗住陪她們唱K. 唉!

好在今日是我出發去韓國的日子, 本來唔打算參加的. 點知公司由海洋公園改去迪士尼, 咁近機場, 當然可以考慮吓參加啦. 其實最重要是我參加2粒鐘便可以,  而且仲唔駛扣我今日的假. GOOD!

今早9:30在TST集合.

我同Angus早到了, 所以先去買個豐富的早餐.

原來好多同事是自己入去迪士尼等. 車上只有10多人.

半小時便入到迪士尼喇! 大家在大門口集合.

今日有幾位同事都帶同他們的小朋友出來, 等我請他們食吓糖先. (是借花敬佛, 因為D糖是先前亞不送給我的!)

入場後, 來張大合照. 影完後, 才知原來仲有6位同事尚未進場.

之後, 大家自由活動. 而我第一時間要去排隊影5週年新裝的米奇同米妮.

可惜排了半小時仍未到, 相信仲要排多20分鐘才到我. 最後唯有放棄, 因我要趕去機場與團友會合.

走喇! 我要出發去機場.