返來喇!

20 FEB 2011

由韓國回來都有10日喇! 不過一直都在搞緊D相上facebook, 未有時間update我的Blog.

今次12天的韓國之旅, 真係十分之好玩,開心及完滿. 臨走前, 大家都話點解今次的旅程過得咁快o既! 講真, 我們開始有點愛上韓國, 尤其是現在日圓咁高企的時候, 所以好有可能我們明年新春之旅會再一次去韓國吧!

今日先俾大家睇睇我今次的收獲啦.

上機前, 在閘口有隻免仔送給我們的. 真係好意頭, 全個韓國之旅都平平安安, 開開心心!

先睇露花的收獲吧.

由於出發前在Overlander買唔到Mont-bell的羽絨, 於是決定到韓國先買. 好彩, 我們到鶴洞真係買到, 仲係Mizuno的羽絨, 為HK$1,000都唔駛, 好抵!

在狎鷗亭買了一頂帽W10,000.

呢D全是手信. 有D在LOTTE Mart買, 有D在機場買.

呢Pack係在鷺梁津海鮮市場買的魚乾, W14,000/KG, 好鬼大包. 用微波爐叮吓來食, 好好味o架!

 

在狎鷗亭四圍逛時, 打算入一間店取吓暖, 點知竟然有又平又OK的Tee. 每件W5,000 = HK$35/件, 用來租著都抵啦. 而紫色的冷帽及先前露花的格仔帽是W10,000. 全是Made in Korea的.

在明洞買的有:

對鞋好抵呀! 分別是W20,000 & W25,000一對. 兩件衫是W40,000左右. 全是Made in Korea的.

左邊的是送俾兩位小姪女的手信. 右上的三對襪是買俾奶奶及老媽的睡眠襪.  

MISSHA店買的. 右上的5枝Handcream是手信W3,000/PC. 加下的是贈品, 左邊的是自用. 今次覺得Missha的贈品不及去年.

Hanskin的. 左上的Handcream唔錯, 買來做手信, W10,000/3枝. 左下的BB cream也是手信, W10,000/PACK. 右邊的Mask是自用.

以下是買滿W80,000的贈品.

去年用過這Eye Mask. 感覺唔錯, 今年再買. 價錢同去年一樣, W10,000/PACK. 仲有少少贈品.

最後是買得最多的雪花秀. 今次除了自已要買外, 仲幫四位好姊妹買, 不過經過今次的經驗, 下次無可能再幫她們買咁多, 因為真係好重好重.

因為Honey媽在首爾無時間到Lotte Duty Free買, 所以我安排她到釜山的Lotte買. 點知出事喇! 售貨員姐姐話, 由於今日是31/1, 所以做的Promo多一點, 明天便會完全唔同晒. 所以最後我都在呢度買晒所有的雪花秀.

唔該晒姐姐仔幫我搵了兩個手拉車款的Shopping Bag俾我. (其實真係攞得好金, 因為釜山的地鐵站全是沒有電梯的, 只有樓梯.)

 

當晚在酒店進行拆盒打行動.

喇! 我在釜山買的只有呢D.

以下是贈品.

本來我仲有一些雪花秀打算回明洞才買的, 後來因為我張Lotte Duty Free的Gift咭唔見了, 內面有W50,000的現金o架, 所以我無再去Lotte喇, 費時眼冤嘛!

所以最後我在機場再買.

經過今之的體驗, Lotte Duty Free的贈品真係多過機場好多, Discount也多D. 所以大家有機會去韓國, 而又想買雪花秀的話, 都係到Lotte Duty Free好一點.