28 AUGUST 2009 (天晴)
BB狗經過一星期的食藥及滴眼藥水後, 隻右眼完全精靈番晒!
今晚覆診時, 蔡醫生証實右眼的確好番好多, 不過牙齒仍有問題. 所以需要再食一星期藥.
老實講, BB狗年紀都有番咁上下, 加上我們沒有長期幫好擦牙. 所以她D牙有問題是無可避免的. 蔡醫生俾o左兩個提議我們考慮:-
(一) 盡量嘗試幫番BB擦牙. (難度雖高都要做!)
(二) 麻醉幫她洗牙, 去牙石. 不過咁做好有風險, 因為BB年紀大, 加上心臟有問題.
我們決定會努力採取辦法(一)來幫助BB解決牙的問題! 傾談間醫生介紹我們嘗試用吓一種中藥 - "木擦"來代替毛巾擦牙.
今日遇見的可愛狗朋友仔有肥B同豆豆.
BB睇完醫生急住要返屋企呀, 仲好心急要入袋Tim!
BB我同露花會俾心機幫你擦牙o架, 不過你都要聽話, 個頭唔好四圍擰先得o架!
24 AUGUST 2009 (天晴)
今早收到老細通知, 美國Confirm o左我要由"化妝袋"組調過去"銀包仔組"
老實講, 我真係有少少擔心o架!
不過講真, 我現在條Team又真係生意唔太好, 我都得閒o左成2個月, 日日悶到係咁o係度狂寫Blog, (大家明白點解呢排我D Blog出得咁快啦!) 都o米話唔驚! 驚咩? o米驚會裁員Lor!
所以現在美國公司有呢個決定, 我都OK o既. 只係怕我一出院就即刻去呢條Busy Team, 驚自己的身體負荷唔到. Anyway, 我都決定係9月份唔會上廠同唔會OT住. 待10月份康復情況再算吧!
希望我日後可以Keep到唔好咁夜收工啦!
26 AUGUST 2009 (天晴)
今日係我最後一堂的日語課堂. 而考試仍會於下星期五舉行, 不過由於我要住院, 所以無辦法參加考試 ! (當然我仍都唔打算考, 因為完全無溫過書.
先前報讀呢個持續進修Course時, 極度雄心壯志咁話要考2010年尾的2級能力試. 但現在我已改變主意, 因為真係完全"的"唔起心肝去溫書. 唯有隨緣啦, 遲D睇吓點先再決定啦!
係8月初時, 咁啱亞君話想學日文Wor! 加上露花同亞儉又一起去學. 於是我便決定, 不如我由頭再學過oY, 有伴之如, 又可以當重新溫習. 而且初班o既學費又唔係好貴.
今日亦都係"初級"日語的開課日. 但我今日無去上初級班, 而係去上我最後的一堂2級班. 相信我都要9月中後才可以返初班喇!
放學後, 3位初學生話要去食甜品來個賽後檢討Wor!
因為他們覺得位日籍亞Sir好似教得快o左一D, 而且好似仲係攻會話多再D. 所以他們要上多幾堂睇吓係o米需要轉班咁話. 希望他們無問題, 遲D適應到啦!
27 AUGUST 2009 (天晴)
今日BaBa同契仔契女有家歸喇! 他們間新屋終於裝修完畢!
今次係繼日本旅行之後, 第二次連續跟契仔契女相處這麼多天
講真, 最辛苦都係BaBa.
今晚本來寶怡同嘉熙想等我同露花回家後一起食糖水. 不過我們成12:00am先返到, 最後都唔可以一起食Tim!
我呢個契媽好變態, 要他們臨瞓前同我影番張合照!
27 AUGUST 2009 (天晴)
今日係大陸做o野時, 收到醫生的來電. 通知我的入院安排有所調動.
地點 : 由東華醫院改為瑪麗醫院
手術日期 : 由31/8改為2/9
唔知點解, 得悉時間推遲個刻有一點高興. 可能我其實唔係咁想做手術吧!
難得醫生親自打來, 我趁機捉住問o左佢幾個問題:
Keroppi : 醫生, 請問我個手術係o米你幫我做o家?
醫生 : 係呀! 仲有另一位醫生及一位顧問醫生. (心想 : 咁有日劇"醫龍"Feel o既!
Keroppi : 我有D擔心, 之後食藥會唔會有Side Effect?
醫生 : 放心! 一般都唔會.
Keroppi : 不過我有D朋友食o左藥後, 肥o左好多Wor! (呢個問題我最關心!
醫生 : 咁o既情況, 好可能係藥的份量唔正確.
Keroppi : 唔好意思. 仲有問題, 請問傷口o既線o係o米可以用自動溶解果種呀? (呢個問題對我都好緊要! 唔想有條醜樣的疤痕o麻!
醫生 : 基本上現在大多數的傷口都會用呢種線, 不過線尾都要於手術後一星期左右返醫院拆線.
Keroppi : 咁請問我1/9入院見麻醉師時, 你會唔會在場?
醫生 : 會.
Keroppi : 明白. 唔該晒醫生.
呢位醫生俾我o既感覺, 好似都好好人. 希望他的開刀手勢都好好啦!
今晚回家睇日曆時, 發現原來我開刀o個日係農曆七月十四呀!
日本四國之旅16天遊 (Day 6)
21 FEB 2007 (天晴)
大家係道後溫泉都Hea o左好耐吓! 终於可以去食晏喇!
我們於道後溫泉附近搵o左間魚料理的食店.
我食o既係下圖左上角的釜飯, D魚汁好正o架! JPY1,000一份, 都唔算貴oY!
大家食完, 攤抖完後, 我們又再到放生園逛多陣!
咦! 一來到時計台, 睇睇個鐘, 差唔多下午2:00喇, 不如等睇吓o野先啦.
開始陏嗱!
睇完表演, 即見到真人扮演Wor! 睇! 有一位老車長呀!
其實仲有今早的兩位古裝小時係度, 不過今朝已同她們影過相. 所以今次問她們借把傘來俾我們做影相道具.
一場來到, 無理由唔去試吓足湯o架!
食飽飯, 係咁靚的陽光下足湯, 真係好想瞓番覺Lor!
之後我們又慢行去車站. 又見到小爺仔火車, 唔理咁多, 再影多張!
影完相, 到Shopping時間喇!
呢個三團子, 一定要買來試吓. 因為小說內, 小爺仔每次浸完溫泉後都會食番一串o家!
呢個o米係我們剛剛係道後溫泉食o既餅!
我們係松山, 經常見到呢隻蛋糕的廣告同店舖, 個買相都唔錯. 慢來明晚坐夜車時試吓先!
時間差唔多喇, 我們要坐市電返回酒店攞行李及車Lu!
離開前, 影吓街景先!
.
我們搭的市電呀!
仲未夠鐘開車, 趁無咩人, 又周圍影吓相先.
終於返到酒店喇!
我們要出發到四國最後的一個市Lu - 高松市!
上一篇 : 日本四國之旅 - (Day 6 - 21/2/07) 道後溫泉 - 簡介編
下一篇 : 日本四國之旅 - (Day 6 - 21/2/07) 在世界中心呼喚愛拍攝景點
