契仔契女回家了

27 AUGUST 2009 (天晴)

今日BaBa同契仔契女有家歸喇! 他們間新屋終於裝修完畢!

今次係繼日本旅行之後, 第二次連續跟契仔契女相處這麼多天. 係哩10天裡面, 基本上對我同露花都無咩特別影響. 只係覺得呢10日, 屋企好鬼熱鬧, 經常有我們3個大人的聲音, 叫呢兩位小朋友放好果樣, 放好呢樣, 唔好周圍擺, 早D瞓覺等......等! 其實寶怡同嘉熙都算乖o架喇, 睇電視前會先打電話來問可唔可以開電視, 又無亂搞屋企o既o野!

講真, 最辛苦都係BaBa. 佢每日都要車兩位大帝出去學o野, 又要去新屋抺o野, 真係勁忙, 雖則同住10日, 我們都係只有一餐可以同枱食飯咋!

今晚本來寶怡同嘉熙想等我同露花回家後一起食糖水. 不過我們成12:00am先返到, 最後都唔可以一起食Tim! 不過唔緊要啦, 我們今個星期日都會一起去Disney Hollywood食燒烤Buffet. 到時大家再食餐勁o既!

我呢個契媽好變態, 要他們臨瞓前同我影番張合照!