9 AUGUST 2009 (天晴, 炎熱)
大家一場來到西貢. 咁擇日不如撞日啦, 於是決定緊接海下後, 去全記食海鮮.
我們4:00多於西貢鄧肇堅運動場解散後, 余下仲有18位團友一起去食海鮮. 由於時間尚早, 我們到達全記時只有我們一圍大枱. 簡直係包場!
大家係度先坐吓, 抖吓, 傾吓計同嘆吓冷氣. 之後便去Order海鮮. 由於Honey媽同全記相熟o既關係, 我們o既海鮮都係由老闆推介的.
睇海鮮時, 突然有隻可愛小狗走入放海鮮的枱底來嘆冷氣, 好可愛同搞笑呀!
熱完一輪, 快D上返酒樓嘆冷氣先.
可能我們係最早個枱, 廚房可以慢慢整, 加上每樣海鮮都係剛到貨無耐. 所以今餐真係食得非常滿足, 可以話係最好食o既一次. 又可能因為我們中午個餐實在太難食吧, 簡正係天堂與地獄之分呀!
睇吓我們食o左D咩啦!
今日o既瀨尿蝦好多膏, 好好味呀!
D象拔蚌好新鮮,甜美呀!
蟶子好大隻呀!
帶子都好好味!
唔知點解露花果隻係橙色o既?
第一次係度食生炒骨, 好脆口. 值得推介!
每次來都要預先訂o既炸子雞同烏雞響螺湯!
今晚o既甜品又係勁好味呀!
奶皇流沙包. 嘻! 我同露花都食o左兩個呀!
仲有紫米紅豆椰汁糕. 又係超好味, 唔太甜, 好味! 寶怡食o左成4件呀!
我們食到尾聲, 約7:00PM左右. 全記開始多人喇, 所以我們都埋單走Lu! 嘩! 7:00PM食完晚飯, 天都未黑, 好早呀! 唔怪得亞橦係咁走埋來問 : 契媽, 食完飯去邊度玩呀? 哈! Honey媽話無得玩, 要返屋企!
當我們路經其他海鮮檔時, 睇見有幾隻鱟放係地上.
因為食得實在太飽, 又見時間咁早, 所以我, 露花, BenBen同儉儉便係西貢碼頭行吓, 我們邊行邊傾來幫助消化.
好搞笑, 當我們行到西貢碼頭停車場, 呢度白天時會有好多人係度放狗o架. 但係唔知點解現在竟然有5隻牛係草地上. 我都係第一次於西貢碼頭見到牛咋!
我們四條友, 傾到差唔多8:00PM才離開!
上一篇 : 西貢生態導賞遊@海下 - 沙灘影相篇
沒有留言:
張貼留言