19 AUGUST 2009 (天晴)
好開心呀!好開心呀!星期日(16/8)上Facebook時, 有位失散o左20年的老友 - "亞處"蒲頭add我呀!
自從去年11月我於facebook開o左F.5A班的群組後, 我們成功地揾番Miss Law同亞處. 所以話facebook真係一個幾好的尋人工具. 除此之外, 我們大家仲可以通過facebook知道各人的近況Tim! 目前為止, 我們果班尚有6-8個同學未能尋回, 希望他們都有上facebok及盡快同我們相認啦!
對於"亞處"的出現, 真係好振奮. 於是星期一同Carol商量完後, 我們決定打鐵趁熱, 即行動約班好同學今晚出來見面. 今次都約得好順利, 可能係暑假的關係吧, D好媽媽唔使睇功課. 最终成功地有13人參與,當中仲有我們F.4&F.5的班主任Miss Poon. 正確可能係15人吧, 因為Tammy同亞雯各自分別出來現一現身.
前Part有Tammy份的大合照.
後Part有亞雯份的大合照.
今晚選o左去上次同Carol一起食飯的佐敦莊氏倫敦廣場8樓的"泰屋", 因為貪呢度就腳, 大家返屋企好鬼方便, 加上呢度無咩人, 唔怕嘈住人o麻!
放工後, 我先約o左Carol, 本拉算閒逛一陣便上去. 點知, 我們即時撞見陳雞, 於是便決定提早去攞位.
跟住到的有亞阮同Tammy, 之後卡樂B, 亞處, Eppil, Amy, Miss Poon, Sandy等都陸續到來. 好彩亞阮, Miss Poon同亞處都到o左, 因為Tammy只逗留半小時, 起碼見到她今次較為想見的人先啦!
當年兩位都算係孖公仔嚟o架!
我們早到的先影番張相! 呢幾位都係班中的高人! 真係高人合照!
等我都同3位高妹影張合照先. 真係唔該晒佢地就晒位俾我呀!
因為亞芹同林美玉要遲D先到, 所以我們要先點菜. 不過大家實在好耐無見, 大家都傾到及笑到不停口. 都無人願意拎起個Menu落Order. 最後我決定俾個Budget位經理來幫我們寫菜!
等亞芹到埋, 我們便先上小食. 再等林美玉到後, 便上主菜! 但好搞笑, 唔知點解D小食上極都有o既!
我們成班唔理無見幾多年都好, 每次出來都情緒高漲, 咩都傾餐飽, 咩都笑餐死. 你窒吓我, 我又窒吓你, 完住無隔膜, 無生疏. 好似仲比讀書時更加開心,更癲 !
對我嚟講, 亞處同林美玉真係起碼有20年無見面呀, 今次梗係要來張合照啦!
我們個班有37人, 因為係文科班, 所以只有6位男生. 今次有3位男同學出席, 成績都好唔錯. 不過企左面的B哥一直都好俾面, 基本上每次都有份參與的, 加上有B哥都會格外開心!
等我都要同3位男仕影張合照先, 機會難得o麻!
大家食得差唔多, 當然要以唔同的組合來影相留念啦!
首先, 梗係要同Miss Poon影啦! 要尊師重道o麻! 對上一次見Miss Poon都應該係2006年喇!
繼續影相, 唔好俾佢停呀!
同亞阮o既合照, 她同我小六做過1Day o既同學o架. 我們住埋同一條村, 好自然中學都讀同一間. 不過直至中四先有機會再同班.
3年無見的Sandy.
3年無見的Amy同自從有facebook後經常聯絡的主席合照. 每次有Amy同B哥的出現, 都會為我們增添好多笑彈!
嘩!6星伴月呀!
話晒今日的主題係"慶祝亞處回歸", 各位又點少得唔同他影相呢!
又係時候抖抖, 食甜品先!
大家食完甜品, 等亞雯的駕臨, 因為除o左我之外, 大家都有20年無見過亞雯喇, 咁當然唔少得張大合照啦! 又要勞煩"泰屋"o既經理幫忙揸機喇!
今晚真係非常之開心, 唔覺唔覺搞到成11:00pm先散會. 希望來緊的11月或12月, 我再搞Gathering時大家都一樣支持啦!
沒有留言:
張貼留言