日本四國之旅 - (Day 6 - 21/2/07) 道後溫泉 - 溫泉後休憩室篇

日本四國之旅16天遊 (Day 6)

21 FEB 2007 (天晴)

我們各自去男女不同我浴場浸溫泉. 今次都係第一次Walk In浸溫泉, 平時我們都係住溫泉酒店先會浸溫泉的.

睇吓浴場的相片啦, (相片來自道後溫泉網站)

 女浴場

   男子東浴場

 男子西浴場

男仕們浸o左大概30分鐘, 而我同叻靚醒就花了45分鐘, 話晒都係女仕, 梗係Me摩 D啦!

講番我們o既浸後感哩!

男團友們 : 嘩! 未同過咁多耆英浸溫泉. 正確來講, 呢度唔似溫泉, 似公眾浴室多D. 仲見到亞伯係度洗假牙. 嘩! 真係要嗱嗱臨走開啦!

女團友們 : 一樣啦! 感覺似公眾浴室多D, 都係有好多婆婆. 咁無洗假形o既, 不過係旁邊洗頭同刷牙Lor! 感覺唔係好乾淨! 仲有吹頭的風筒要入錢 (好似JPY100), 我同叻靚醒邊有帶錢去浴場Wor. 個頭濕o左無得吹頭Tim! 點算呀? 好彩, 有位婆婆借錢俾我們入啫,真係好人! 唔該晒!

大家浸完溫泉後, 便返回2階神之湯的休憩室Hea吓.

咦! 原來每位客人都有杯茶同小食送o架!

大家一齊飲杯茶食件餅啦!

我同叻靚醒用o左JPY60租用呢條毛巾連肥皂.

趁大家休息之際, 周圍又無咩人. 跟住o既節目梗係影相啦!

我們咁八卦, 要拉開背後個幾度門出去睇吓先. 啊!有條好窄o既走廊Wor!

嘩! 個景都唔錯, 又影吓相先!

時間差唔多喇, 幫男團友影張相啦.

導遊姐姐來喇, 要帶我們去又新殿. 又新殿咩野o黎o架! 話明係殿, 梗係同皇室有關啦. 明治32年(1899年)所興建的皇室專用的起居間. 每位參觀收費為JPY250, 呢度係唔可以影相o架!

 

上一篇 : 日本四國之旅 - (Day 6 - 21/2/07) 道後溫泉

下一篇 : 日本四國之旅 - (Day 6 - 21/2/07) 道後溫泉 - 坊っちゃんの間