暑期海洋公園親子遊 - Part 3

11 AUGUST 2009 (下雨, 天陰)

今日海洋公園都唔太多人, 好難得坐吊車時唔見好長的人龍.

當我們去到海洋劇場時已經參唔多坐滿晒人. 我們要落到中段先有位, 不過D位係要爭取番o黎o架. 事緣係好多國內同胞, 一人霸兩個位. 我們有老有嫩, 梗係唔好行咁落啦, 咁我唯有見吉位就走去問吓有無人坐, 終於俾我係前後行攞到5個位. 可惜細佬同大姪女要前多兩行先有位坐.

開始睇Show.

睇睇吓Show, 細佬抱住大姪女來坐我後面的一個吉位, 因為他們個位被前面擋住o左. 正當我細佬要坐低時, 隔離位國內女同胞又話個位有人Wor, 但當時已開o左場10分鐘啦, 有人都一早坐低啦! 我們梗係睬佢都傻, 一於照坐, 但係後面位不知所謂的男同胞又係度大聲責罵, 唔俾我們坐. 我們當然係唔理佢啦, 繼續坐. 不過都已經搞到我們無晒睇表演o既Mood, 加上兩位小朋友又開始眼瞓. 於是我們提早離場去食Lunch!

嘩! 呢餐Lunch真係搶錢, 每碗燒味飯HK$45, 每枝健康工房飲品為HK$20. 咁都食o左成HK$400呀!

食飽抖抖後, 我們便慢行去水母館, 邊行邊影相.

 

到水母館喇!

睇完水母, 我們便順路行去大樹灣離開.

途經越礦飛車時, 細佬話要到佢玩吓Wor!

係度同兩個女Say Hi!

今個暑假的水世界呀!

仲有恐龍館, 兩個姪女見到會發聲同會郁的恐龍有D驚.

臨走時見到呢隻會發聲的互動恐龍, 好有趣.

真係要走喇! 兩姊妹都好攰Lu!

 

今日原來肥仔細佬都放假. 於是Call埋他出來食晚飯. 真係好耐無一家人一齊食飯喇!

兩個姪女今日的收獲!