肥叔叔生日

1 AUGUST 2009 (天晴)

我個肥仔細佬於下星期二生日. 今晚提早出街食飯同他慶祝. 所以昨天便約好亞媽, 請她帶兩個姪女來, 我們先跟她們去飲茶, 跟住再同她們再去冒險樂園, 晚上才與肥叔叔食晚飯.

本來我約好亞媽12:30pm去飲茶, 當我12:00pm致電她後, 她才話不如改飲下午茶啦! OK, 梗係無問題, 只係早知我就瞓多一粒鐘先起身啦! 見仲有2個鐘先去飲茶, 於是我可以洗機衫先出街, 真係難得. (因平時要星期六/日晚上才有時間洗衫的.)

每次柔柔同琪琪呢兩個姪女見到我呢個姑媽都好鬼開心, 梗係啦! 見到我即係有得出去玩, 有又禮物收o麻! 講真, 她們兩個又真係好抵"錫", 好少扭計, 又好食得!

飲完茶, 爺爺先回家睇BB狗. 以我同嫲嫲便帶她兩去冒險樂園喇.

今日冒險樂園仲有上次4合1 的Coupon呀!

首先, 玩兩個姪女最喜歡的火車.

跟住再去打保齡球. 今次有一條球道玩到最後一局壞o左, 後來竟然俾我們玩多2局. 兩位小朋友, 不停咁有得掟波波, 真係碌到傻o左!

玩到攰, 要坐吓.

由於波波池要消毒, 加上我們又唔記得帶襪仔, 於是要出去買完再返來玩.

玩完波波池, 再玩吓其他啦!

玩完, 我們又去麥當當食開心樂園餐, 又可以換Kitty喇!

今日姑媽買o左好多o野呀, 有呢兩個背囊仔啦, 每人1套新衫同1條新牛仔褲.

今次我專登買呢個"東海堂"的香芒流心蛋糕試吓. 初時以為會好正, 不過都係一般啫!

嘩! 好開心呀, 有兩個姪女o既Kiss做賀禮!