同學聚舊停不了

23 AUGUST 2009 (天晴)

星期五晚上, 收到小露的來電. 她通知會於星期六中午回港湊仔返澳門, 睇吓有無時間出來聚聚!

梗係有啦! 點忙都要抽時間出來見吓面啦! 於是決定約今日中午1:00食Lunch. 可能時間緊迫, 加上又係星期日中午的關係, 好多同學都未能出席, 所以今日只有我們4位靚太 - Keroppi, 小露, 寶珍同Amy出來暢談!

今次我揀o左去新城市廣場7/F - 戶井北海道米比薩, 因為貪呢度可以訂位.

我們分別點o左o既食物:

牛油菓沙律

話問係米比薩, 梗係要試吓啦!

粟米薯餅.

牛柳粒

呢間餐廳d食物質素都OK, 但碟頭好似細o左少少. 不過講真, 我們見到面, 係咁雞啄唔斷, 邊有時間慢慢食oY!

女人真係有好多傾唔完o既話題, 我們4位亞太不停咁講吓近況呀, 講吓小朋友呀, 又講吓D八卦o野吓. 就係咁, 竟然好好意思咁係呢度由1:00pm坐到4:30pm! 睇見個經理都怒睥o左我們好幾次o架, 見時間都差唔多, o米走Lor!

臨走前, 影相就梗係唔少得啦! 個Waiter見我們話唔該幫手影張相oY, 他仲唔嗱嗱臨呀, 他心諗呢四位中女, 影完相捨得走啦!

今次好多謝小露請客呀, 咁鬼客氣! 

記住下次你兩位公子來港時早D出聲, 等我同寶珍帶他們去玩吓!