2006年嘉輝會週末兩天遊 - 第一彈

13 MAY 2006 (天晴)

今次的兩天遊決定得好快, 可能只有我同Honey媽兩家人吧. 今次亦都係我同亞橦第一次去旅行呀!

因為入嘉輝會的車是在羅湖站乘搭, 所以局住要過羅湖關, 對於Honey媽一家真係唔多便! (現在有落馬州關真係方便同舒服好多!)

我們入嘉輝會時係包車o架, 到達嘉輝會後, 先Check In. 咦! 間房都唔錯Wor, 兩房一廳, 仲有露台Tim!

攞完房, 落樓下餐廳醫吓肚先. 因為都成下午2:00幾, 我們隨便炒D炒麵便算. 食物都可以, 不過唔被我們影相先騎哩! 我們都係影下面呢兩張個境啫, 仲係影小朋友, 有咩咁大件事唔淮影相呢???

食飽後, 我們Call車去會所那邊睇睇. 呢度的Service好好多, 仲帶我們參觀唔同種類的房間Tim! (我們好似去o左睇示範單位咁!)

睇完示範單位, 跟住睇吓會所的設施.

小朋友玩o左一陣波波池後, 我們便去大堂同會所的餐廳睇睇!

之後我們步出會所門外八吓, 咦! 原來後面仲有個高爾夫球練習場同一個小型的兒童遊樂場.

視察完周圍環境後, 我們便Call車上成功嶺玩喇!