鍾意旅行,鍾意熱鬧, 鍾意搞搞震 : 6月 2010

2010年6月19日星期六

愛犬在世的最後8天 - 27.5.2010

27 MAY 2010

昨晚想o左好耐, 終於決定今日照返工, 不過我會向公司請今日半天假及明天全日假. 因為我今日下午要接BB回, 另外露花明天黃昏又要入院做一個小手術.

今早10:30向我亞姐請假, 不過她拒絕o左我. 因當時我老闆唔得閒, 所以我沒有直接向他請假, 加上話晒呢個幾月都有位新亞姐. 作為做o靚的我, 都要尊重吓呢位亞姐. 點知竟然被拒絕請假, 真係火都o黎埋. (事後諗番, 可能她認為我仲o係度發緊脾氣, 所以唔批我請假.)

最终我老闆都批o左我放假, 之後仲瞭解到我屋企近來的問題 (如BB狗有事, 露花要入院, 老媽下星期又要做白內障), 所以大家都冰釋了昨天的事. 而我最後於4:30PM才離開公司. 跟住我去4樓的PET MAX吉之家, 向黃生同Angela問一些專業意見, 要知道帶BB回家的注意事項. (真係好多謝晒兩位的意見.)

上巴士後, 即Call露花係"西沙動物醫院"等, 當然第一時間要去睇BB今日的情況. 今日的BB睇來無昨天般精神. 不過今日我們一定會帶她回家. 我們於診所陪伴了BB個多小時才離開.

接BB回家前, 我們先去食晚飯, 跟住到寵物店買一些需要品俾BB用.

1. 有狗狗專用的葡萄糖. 因怕BB會冇食慾, 可以飲葡萄糖水補充營養.

2. 有厚型的墊地巾. 因BB大小便不方便, 可以用此來吸小便.

3. 預備BB的食物. 特別係Baby Food, 因呢兩日BB在診所都肯食吓.

搞點晒, 先帶BB回老家見吓老爸同老媽, 等他們安心吓. (好多謝老爸同老媽, 咁支持我們帶BB回家照顧, 因我真怕兩老無咁多心力應付. 加上老媽近來對眼又有事.)

跟住便帶牠回我家, 因為牠剛剛出院. 怕還有什麼突發事件, 所以呢兩天由我同露花先照顧BB.

睇吓BB瞓得幾安心. 梗係啦, 話晒返o左屋企o麻!

好心痛呀! BB隻左腳吊o左3日鹽水後紅晒呀. 希望她快D康復啦! 加油! BB, 你是最叻的.

2010年6月18日星期五

愛犬在世的最後9天 - 26.5.2010

26 MAY 2010

今日懷住擔心BB的心情上班, 感覺十分不好受.

所以我決定今日會請兩小時假, 即提早於4:00PM收工. 因為若BB情況沒有好轉的話, 隨時又要作壞打算, 都不需把時間拖得太晚吧.

幸好, 中午露花去探BB時, 打電話同我講BB今日精神o左好多, 可以用針筒食Baby Food, 護士幫BB清潔尿尿時, 牠仲咬護士Tim!

聽到呢D咁好的消息, 即刻開心晒. 故可以不用收4:00吧, 但一定要準時6:00PM走.

可惜公司到3:30要開會, 仲要講來講去都係果D o野, 攪到我鬼咁心急, 有擔心BB. 終於頂唔順, 發老闆脾四. 5:00鐘未開完會便走人. (當時真係好想明天開始唔做, 可以全心全意照顧BB.)

晚上6:00多到"西沙", 原來今日"蔡醫生"放假. 只有"傅醫生"在, "傅醫生"話BB進步好多, 但因驗血出來的腎指數及尿素的數據均超晒標, 故建議BB多留一晚觀察.

睇! BB對眼比昨日有精神好多喇!

放心呀! BB! 明天一定接你返屋企!

2010年6月16日星期三

又食又拎

12 JUNE 2010

近來因為BB的事好唔開心. 今日決定要出去行吓先得, 所以約o左今晚到Honey媽外家食晚飯, 見o下兩位可愛契女 -亞晴同亞橦.

今晚係婆婆家, 仲見到亞姨一家, 幫亞晴同表弟仔影張相先.

今晚又要辛苦晒婆婆喇, 煮o左咁多好味的餸菜.

好快到端午節喇, 呢兩年都有食婆婆自家包的靚稯, 今次都唔例外, 真係正宗的又食又拎Tim! 多謝晒呀, 婆婆.

晚飯後, 我們便到Honey媽家傾吓計, 計劃吓我們7月中的蘇梅行程.

要露花陪

12 JUNE 2010

今日下午3:00有一點事要去尖沙咀. 本來打算自己去的, 後來知道露花有時間, 我便要求他陪我一起去喇.

辦完事後, 我們去o左麻布茶房下午茶, 其實最主要係我想食雪糕.

露花點的.

我點的

跟住我們去Uniqlo逛個圈, 之後住巴士去Honey媽家食晚飯.

到Honey媽家之前, 我們先到商場買個相架放BB張靚相.

終於有得睇喇!

30 MAY 2010 (下雨)

下午接露花出院, 之後晚上回娘家食飯, 因老爸煲o左個補身湯幫露花嘆吓. 當然最重要是回家睇BB啦.

好開心呀, BB今日可以"埃"住梳化行幾步路, 真係好有進步呀. 見到呢個情況, 我們亦都好感動同放心呀!

於是決定回家慶祝吓, 就係開幕睇我等o左好耐o既"交響惰人夢"喇!

唔知後篇要等幾耐先有得睇呢?

愛犬在世的最後10天 - 25.5.2010

25 MAY 2010

今日請o左假, 9:00am起身, 準備梳洗時, 收到老闆短訊, 話要10:30am同美國Conference Call. 唔係呀, 10:30am我要去探BB狗Wor. 於是我Call 老闆話我10:30am唔方便, 老人家好唔高興. 我真係唔理得咁多, 現在我家愛犬最緊要!

於是我要利用出門前的1小時, 先睇晒美國的E-mail, 再打電話報告俾我亞姐, 預計美國會有什麼問題.

終於可以見到BB喇!

"蔡醫生"話BB零晨三點多時再一次抽筋, 所以幫BB打多了一枝針. 當我們見到BB時, 牠仍未甦醒, 還在打點滴. "蔡醫生"同我們講, 牠應差不多會醒喇, 要我們不停咁叫BB及同BB傾計.

終於BB對眼有一丁點反應了. "蔡醫生"之後向我們解釋BB的情況.

"一般來講, 因BB昨晚抽筋了一段頗長的時間, 牠的腦部因為曾經短暫缺氧, 好有機會成為植物狗, 又或者就算醒後也可能會行唔到, 好需要主人們長期的照顧, 而好多時, 主人都會有心無力, 主人們仍都會好唔開心及有情緒影響." 他叫我們要有心理準備, 及要再一次考慮如果BB下午的情況無好轉時的決定.

呢張相反應出BB整個早上的情況吧.

我們陪BB直至12:30PM才去食晏. 當我坐定後又收到公司來電, 要求我下午回公司. 又無攪錯呀, 我請o左假o家, 仲要回公司. 真係睬佢都傻.

我同露花食晏時, 終於好無奈地做了最難的決定. 如果BB下午再無好轉的話, 我們便決定唔要亞Bee咁辛苦. 於是我即致電予我舊同事Kennis, 告知她我們的決定, 之後她俾o左亞Paul的電話予我. 因為我完全無呢方面的經驗, 所以我即時致電亞Paul問定一齊需注意事項. 之後再到診所探多次BB.

跟住我們回娘家, 把BB的情況及我們最終的決定告知老爸同老媽. 剛好今天肥仔細佬放假, 所以我們便約好下午5:00一起去探BB及跟牠道別. 而我同露花亦回家少睡片刻, 因為我們真係覺得身心俱累.

經常睇戲及聽人講, 寵物真係好有靈性. 今日我終於可以親身體會到, 原來BB真係好堅強, 好有生命力.

下午5:00我們一家五人到達"西沙動物醫院"見BB最後一面. 因為老爸老媽同肥仔細佬昨晚8:30後未見過BB, 所以他們急不及待去睇BB. 到我同露花睇BB時, 我不停咁摸牠, 同牠傾計, 當我跟BB講, "BB不如算啦, 妳唔好咁辛苦啦!" 就係呢個時候, 牠原本一直無郁的脷, 開始有反應, BB用牠條脷來回答我呀! 跟住牠仲不停咁用力想起身.

唔信大家睇吓BB幾咁努力來回答我.

BB大病中的努力短片 http://www.youtube.com/watch?v=KToFwv1QtSU

跟住我們見亞Bee條脷好乾, 好硬. 問準蔡醫生後, 我們便餵BB飲水, 為BB做點事.

BB飲水短片 http://www.youtube.com/watch?v=ytikntu08QQ

相信大家都知道, 我同露花最終的決定吧.

我們食完晚飯後, 再一次回到診所睇BB, 今次我要求蔡醫生俾我抱BB. 好開心呀, BB在我身上尿尿, 咁証明BB可以有自己小便的能力, 因今日下午時蔡醫生話要幫BB按小便出來. 所以BB真的好叻, 好有進步.

BB今晚你要留係診所住多一晚呀, 唔好驚呀, 我們明天會再來探你o架, 你好快可以返屋企喇!

加油呀!BB!

2010年6月13日星期日

愛犬在世的最後11天 - 24.5.2010

24 MAY 2010

今日公司很忙, 故打算OT到10:00PM才收工.

當8:45PM左右, 露花致電我打提, 話BB正在"西沙"搶救中.

原來BB於8:30PM左右在外家抽筋, 老爸即Call他到外家睇BB, 當時BB開始有失禁及吐白泡的情況. 於是露花即抱BB去診所, 幸好兩位靚姑娘"Apple"同"Carlie"還在診所, 且幫忙急Call"蔡醫生"回來. 更加幸運是"蔡醫生"很快便回來. 故可即時為BB急救.

我接到露花電話後, 立刻收工打的趕去"西沙", 我真係好驚會趕唔切見BB的最後一面呀.

我入到診所時, 見到的是昏迷了的BB. 露花形容剛才的情況, BB抽筋了好一段時間, 來到診所仍是抽筋中, 於是"蔡醫生"為BB第一時間打了一枝舒緩痒簡的針, 但效用不大, 於是再打一枝鎮定劑, 但效果仍不顯著, 跟住再打一枝麻醉針, 但BB的體溫不斷上升, 於是再用水為BB降溫.

之後"蔡醫生"解釋BB的情況予我們知, 因為BB個腦曾經缺氧, 好可能醒番後會有後遺症, 如不能行走, 不能食東西, 不能自己小便及大便等.....等. 也有可能所費不菲, 及要考慮主人有沒有思想準備及心理去同甦醒後的BB一同努力. 故他請我們好好考慮及商量是否繼續搶救BB.

其實我在坐的士回來的途中, 已決定一定唔會就咁放棄BB的. 於是"蔡醫生"便開始為BB進行, 抽血, 照X-Ray等化驗. 跟住把BB放入氧氣廂.

睇見BB咁o既樣, 我同露花真係好心痛! 我馬上打電話俾老闆告知他我明天要請假看守BB.

之後我們10:00幾才去附近茶餐廳食晚飯, 跟住再返回診所陪BB至12:00AM才回家梳洗. 至1:00AM"蔡醫生"打俾我們, 話BB可以不需放入氧氣廂了, 於是我們便再一次去診所睇BB至2:00AM多才回家.

"蔡醫生"話今晚他會帶BB回家看守, 請我們放心. 明早約了10:30到診所探BB及睇睇她的進度.

愛犬在世的最後12天 - 23.5.2010

23 MAY 2010

今天早機從上海回港, 晚上約了梅生一同到外家食晚飯.

晚上6:00多回到家, 老爸才跟我們說BB這幾天發生的情況, 他還懷疑可能是寵物美容店令BB這樣的. 於是星期四即打電話到美容店問過究竟. (我相信應該不關他們事, 話晒他們都跟o左BB咁多年, 都好清楚BB的情況, 唔會亂來吧.)

又加上老媽右眼白內障的問題嚴重, 導致星期六在家中跌倒. 真係對唔住老爸喇, 呢幾日要他咁辛苦, 又要照顧BB, 又要照顧老媽.

不過好奇怪, 今晚我們所見的BB已完全無事, 又肯食東西, 又在家中四圍行, 仲吠我們Tim, 完全唔似先前有幾日唔舒服. 所以我同露花都放心晒!(但後來我記起, 我曾拜託一位懂動物傳心術的Blog友, 幫忙同BB講, 因為我同露花經常都唔在香港, 所以如發生咩事, 都要請BB頂住, 等待我們回來呀! 估唔到BB真係做到呀! BB真係好叻呀!)