送愛犬BB的最後一程

5 JUN 2010 (天晴)

今日中午12時, 我同露花約好在粉嶺火車站會合後一起出發. 點解我們要分開起行, 因我今早要到羅湖取急板, 及需於下午寄往美國總公司.

這三個星期, 我家真的發生了很多事, 但最最令我們全家人擔心及傷心的一定是我家愛犬"靚BB"的發病, 急救, 入院, 出院, 她最後一星期在家的努力及於6月3日的離去.

幸好, 由舊同事Kennis介紹了"亞Paul"幫手, 他真的好細心, 更把我家"靚BB"的美譽保持至最後一刻(16年喇!). 當我及露花見到"BB"的最後一面時, 真的好安慰, 感覺BB好安詳.

今日我們只帶了BB最愛食的啤梨, 一件她經常穿的衫仔及她最愛的波波. (呢個波波已陪了她有10年了, 近這兩年我們才禁止她玩, 因為她心臟開始唔好.)

亞Paul仲把我們先前包住BB狗的毛巾清洗乾淨. 睇, BB好像熟睡中的樣子!

BB永遠在我心中. 我愛你呀! 有緣來世一定會再見o架! 你安心上路呀!

我同露花在房中陪o左BB有個多小時. 之後便通知亞Paul可以開始吧. 亞Paul問我們會唔會親自按製, 我們當然拒絕了. 由於食物不可火化, 所以把啤梨放在一旁.

之後我們到辦公室再傾談有關細節.

BB將會下星期可以回家!

好多謝亞Paul的幫忙, 介紹吓這間咁細心的寵物善終服務 : www.petsfuneral.com.hk