日本東北之旅18天遊 (Day 9 – 年初三”赤口日”)
9 FEB 2008 八戶 > 八食市場 (天晴)
上午 – 八戶JR站前 8:55am > 八食市場9:04am (市內巴士)
今早大家懷住期待的心情去八食センター 食餐勁的
先到七厘村燒烤店睇睇, 啊!原來10:00才開店.
我們唯有先環繞市場逛逛, 睇定買D咩o野海鮮, 格吓價, 及研究吓那一間乾貨店較好. 其實研究完後, 發覺基本上每間店的價錢都是差不多 . OK! 終於決定了我要幫襯的海鮮店嗱–"坂下店", 因為我覺得那位光頭老板好有趣. 我們決定唔買預設好的一盤盤海鮮, 因為我們唔想食魷魚, 而且都係覺得要自已執的才好玩.
每選一樣東西便跟老板講吓價, 當然係無減到價La, 不過老板最後都送多3只帶子俾我們3位女仔, 點算係賺左La. 以下是我們7人份的食品:-
大蝦 : 800YEN1只(每人1只)
蠔 : 1,000YEN一盤,共7只
帶子 : 1,000YEN一盤.2盤, 共14只(老板送多3只)
中蝦 : 1,500YEN一盤, 共10只
當我們買完海鮮後, 我同老公終於要應吓節, 即係在赤口時吵架Law. (為咩事?我D老友知道La!) 其實都好多年無同老公去旅行時吵架了, o米當增進感情Law! 不過就白白浪費了半個鐘, 唔抵!!!
回到七厘村, 團友們話我知店員見他們拿住咁多o野在等, 於是提早了俾他 們入內. 所以當時團友們已Set好位, 準備開始燒烤了. 我們好欣賞D 大蝦,帶子,蠔. 每樣多好美味, 厚厚的肉, 多多的汁, 有海水的鮮味,無須任何的調味料. 真係好好食
食完後, 我,Alice同Tammy以最快速的時間去先前鎖定了目標的乾貨店買手信. 我們最主要買帶子糖, 魷魚絲. 我們把第一間鎖定店舖的所有帶子糖買晒. 唯有再去另一間. 不過都係第一間的嬸嬸好, 送俾我們每人一包價值1,000yen 的食物. (我選了一包魷魚絲.) 大家買完一包二包後, 返回燒烤店收拾好便再去食雪糕. 我食的係200YEN一杯的綠茶加蘋果雪糕. 好好味o家!
本打算坐11:22am的巴士回JR車站, 但由於我們的嘆慢版, 終於都係決定搭的士. 上的士時已經是11:40am多一點, 而我們的新幹線的時間係12:05pm. 我們共分了3部的士, 而我果部係最後才開出的. 當時大家十分緊張, 因為這班車到大石田所需的時間差不多要4小時, 否則我們便要7:00pm多才可到達銀山. 所以大家真的需用最快最快的時間去分工取行李. 當我下的士時已是11:55am吧, 我的好拍檔們已把我的行李放在酒店大門. 故我之後同Alice, Tammy便立即急速向對面的JR站出發.
最驚險的一次趕車經驗!
我們3人及四眼哥到達火車大堂時係12:00正, 當時心想OK可以趕得到嗱!真好! 跟住直接落埋月台, 火車已正在等候, 之後見老公, 儉儉及梅生也已經到電梯口. 那時心想無問題LA. 但係月台等了1分鐘後, 還未見他們下來. 初時以為佢地唔用電梯,改坐升降機, 於是我走去另一邊的Lift口睇睇,又唔見Wo? 點算 ?見時間一分一秒咁過, 站長仲開始差唔多要叫咪, 於是我走去同佢講,我朋友落緊你, 請等多1分鐘. 唔該!唔該! 
今次點解咁趕, 原來係2位新團友(Maggie同Shary)唔知時間緊迫, 仲要係酒店去洗手間. 嗱!請記住日本的所有火車上都是有洗手間o家!
(消費總額) :
巴士 : JPY 100.00 的士 : JPY 300.00 (1,200yen/4人) 開爐費 : JPY 200.00 雪糕 : JPY 200.00 海鮮 : JPY 1,572.00 (全數11,000yen/7人,包飲品) 合計 : JPY 2,372.00
