日本東北之旅 (Day 7 - 7/2/08) 十和田湖 – 無聊遊蕩篇

日本東北之旅18天遊 (Day 7 – 大年初一)

7 FEB 2008     十和田湖 (時晴時雪,凍)

食完好美味的天婦羅飯後, 穿好強勁的行裝便開始出發, 因會直至晚飯後才會回酒店的.

我們選擇行大路, 沿途感覺十和田好像一個死城般

, 一路上除了我們10個人外, 相信遇到的人唔超過10位. 可能真係太凍的關係, 無咩人來吧. 我們經過中午下車的JR巴士站, 當時還可以在巴士商店內逛一逛. 但現在竟然己經關了門. 我們一邊行一邊拍照, 以為一定唔多唔少都會有D商店可以入去Shop吓, 點知真係一間都無開Wo!

咁我們唯有繼續向乙女像出發,

等我係度講吓單烏龍o野先 : “因為我們一直以為冬物語的舉行場地係在乙女像附近, 所以目的地鎖定為乙女像, 點知原來我們攪錯了. 最好笑我曾經係冬物語門口影左一張相, 當時見有D工作人員係度砌緊冰屋, 搬緊貨物. 原來行過左都唔知!”

大家一直向乙女像的指示行, 但唔知點解好似行極都唔見的. 當我們研究緊應點行的時候, 開始聽見好吵的鳥叫聲, 加上呢度係咁寧靜, 所以鳥聲特別響亮. 於是我們便被牠們吸引了去到十和田湖旁觀鳥. 原來這班鳥全是白天鵝, 牠們真的很吵, 不停地叫. 我們就係咁企係度影天鵝, 睇天鵝, 餵天鵝便過了1小時.

由於係度斎睇天鵝確實係無聊了一點, 於是我忍唔住去個兜到放低100YEN, 便取袋麵包皮來餵牠們. 打開袋麵包後, 聞到一陣好香的麵包皮, 個賣相都OK, 當時好想自已先試食. 我們好慳家咁餵, 一塊麵包扯開6,7次來拋出去. 我們只不過餵了一陣, 突然成班天鵝係度表演水上飄咁走開晒. 原來有位伯伯推住架裝滿成車麵包皮的車係斜路仔落去湖邊. 我緊係唔執輸咁去拿番幾塊好豪咁一塊一塊地拋出去La. (早知係咁, 米可慳番100yen Law)

因為我們係湖邊Hea了1粒鐘, 其實當時有好幾位團友的手,腳都凍到疆左.

因為湖邊都好大風,而且我們仲要捱到今晚, 終於團友們開始取出暖包來頂頂, 但團友老李話要先回酒店暖暖及抖抖.

跟住我們再向前行, 而湖邊的地下燈泡也開始亮起來, 我們沿住D燈泡行, 終於見到乙女像了, 終於 可以係十和田湖的地標影相留念了.

時間都差不多5時了, 即係”十和田冬物語”即將開始. 我們於1小時前亦都終於知道我剛剛經過的便是冬物語會場, 所以我們好快便到達了.