日本東北之旅18天遊 (Day 7 – 大年初一)
7 FEB 2008 八戶(天晴) > 十和田湖 (天晴,有小雪)
上午 – 盛岡 9: 26a m > 八戶10: 03a m (JR新幹線), 八戶 10: 30a m > 十和田湖 1:00pm (JR巴士)
抱住低落的心情
好嗱!又要開始把我們的行李搬上巴士, 好彩呢架JR巴士底下有放行李的部份, 不過就勁污糟(之後我們要勁清潔個喼!總之今次唔帶新喼La.) 雖然我去過日本的次數唔少, 但今次係我第一次可以用JR Pass坐JR巴士的, 好興奮呀!
車程共需時約2.5小時. 當巴士行走了1小時後, 於一處名叫”十和田町”的地方停留10分鐘, 好讓乘客能去一去洗手間及下車舒一舒筋骨.
之後的1.5小時車程, 巴士上有不停的廣播來介紹每一個景點, 而巴士也會慢行一點, 停一停予乘客可欣賞窗外的景色.
終於到了十和田湖巴士站了, 由於四周都好寧靜, 人都唔多個. 為了唔想團友們拖住喼咁辛苦去搵酒店, 於是決定我同老公先去探路. 我們行了大約8分鐘左右便搵到了酒店. 於酒店內第一件事是問Front Desk十和田湖有沒有牙醫, 但答案係令我好失望的. 唯有明天回八戶時才再找牙醫La. 之後我們請酒店老板開車到巴士站接其他團友(老板需要走2轉車呀, 因為行李太大件).
我們住的酒店名叫 十和田湖レークサイドホテル , 社長是中村先生, 他們一家3口均負責酒店內的不同工作, 而且仲好好人.
順帶一提冬天的十和田湖照常營業的酒店或民宿是十分之少的, 當我上網訂酒店時幾乎Click了30多間酒店/民宿才決定Book這間酒店的. 我們住在2/F的4 個房間 (No.201-204), 但是沒有升降機的, 只有樓梯. 當時酒店的員工們(全是上了年紀的叔叔及嬸嬸)幫我們把一 件又一件的行李搬上2/F, 真的覺得他們好辛苦, 我們請他們不要搬, 我們會自己處理, 但他們堅持要幫忙. 真的十分感謝!
本以為十和田湖應該點都會有一些食店, 但下巴士後沿途好似唔多覺有Wo. 於是安頓好後, 決定同老闆娘講要在酒店內食午餐. 由於剛到酒店時, 見到一部縱橫遊的旅行團於酒店內午餐, 所以有理由相信餐廳是可以提供午餐. 但老板娘話一般的午餐是需要預定, 要先查吓廚房尚有什麼余下的食物可提供. OK, 最後決定可以做一些天婦羅予我們食, 但時間需久一點. 梗係無問題La, 最緊要係有o野食o麻. 於是我們的午餐定係2:30pm.
見距離食飯仲有45分鐘, 緊係唔好浪費時間La. 於是我們便出去酒店旁影吓個十和田湖先.
終於有飯食嗱, 仲係又好買相又好食Tim.
食飽飽後先有力氣向"十和田冬物語"出發!
沒有留言:
張貼留言