日本東北之旅18天遊 (Day 7 – 大年初一)
7 FEB 2008 安比(天陰,有雪) > 盛岡(天晴) > 八戶(天晴) > 十和田湖 (時晴時雪,凍)
(上午 – 安比 7:16am (JR花輪線) > 好摩 (ＧＲいわて銀河鉄道) > 盛岡安比高原 8:17am)
今早又要晨早起身, 因約了Shary同Maggie(今天才加入的新團友)9:00am於盛岡JR站等, 之後一起乘新幹線去八戶再轉乘10:20的JR巴士去十和田湖.
昨天下午已約好迎送巴士於早上6:45am來接我們, 所以今早暫時沒有早餐食. 我們於6:40am已於Lobby等候巴士, 待巴士到達前先出外拍張剷雪車晨早的開工照來証明昨晚的大風雪先.
可能時間早太吧, 交通十分快捷. 我們於10分鐘後便到達了安比高原JR車站. 當時車站仍未有任何人的. 不過再10分鐘後便開始多了一些人, 終於可以見到有一點人氣的安比高原JR車站了. 於等車時, 剛好有機會看見一點點的日出, 都OK靚o架!
上車後便馬上開始我們的食早餐大行動. 好彩我們各團友均買了一點小食, 加上話晒今天是大年初一, 無理由晨早便捱餓o架!
由於正正是上班及上學的時間, 火車開始很多人了, 而其中這一位學生的髮型真係十分令我們難忘.(唔知佢睇唔睇到o野呢?)
大家食完o野,八卦完及小睡一會後便到盛岡站了. 今次需要出閘前先到票務扎口補回好摩至盛岡這段的車費.出閘後, 因為尚有40分鐘才到與Shary & Maggie會合的時間, 於是我們便到了車站下的Coffee Shop再食一個正常的早餐.
就係因為要食多一次早餐, 於是便發生了一件我永遠不會忘記的事! (當時會認為係慘事, 事後又會覺得係一件趣事). 到底係發生了咩事, 相信我要先解說一小段才可以.
“話說我於2006年尾開始做了菲臘牙科醫院 學生的白老鼠, 而又因為我初中時發生過一件意外使我的門口崩了. 菲獵牙科醫院決定會幫我重新整過一條牙橋, 價錢仲係勁平. 但最唔好是時間配合的問題, 令我不能於去旅行前便做好. 於是去旅行時所用的便是臨時的牙橋.”
當時老公幫我叫了一個較硬的麵包 (就係下面相片的包嗱!), 而我是同Tammy一起坐的. 初時一邊食一邊傾計, 完全估唔到將會發生的事情. 當我差不多食完個包時, 突然聽到我的牙有破裂的聲音, 當時只感覺到好驚, 搵隻手係咁按住個嘴, 怕一鬆手便無左隻牙
當時團友們都提議我先去睇牙醫, 但由於去十和田湖的巴士1天只有2班, 而下午那班要3:30多, 如坐這班去到十和田已時6:00pm了.因此我決定照原定行程, 或者十和田湖有牙醫呢? (我知因為呢件意外, 令各團友們都好擔心我, 係度要向你們講聲多謝及唔好意思,!)
我們於盛岡乘新幹線去八戶, 之後再轉坐JR巴士往十和田湖.
(消費總額) :
難忘的早餐 : JPY 700.00
沒有留言:
張貼留言