日本東北之旅18天遊 (Day 6 - 年三十晚)
6 FEB 2008 盛岡(天晴) > 安比(天陰,有雪)
中午– 盛岡 12:50pm (ＩＧＲいわて銀河鉄道) > 好摩 (JR花輪線) > 安比高原 13:49pm到達
食完一口麵, 埋單後只尚余10分鐘時間去取行李及搵月台. 今次終於要用9秒9時間去趕車嗱! 上到2/F JR站取行李後, 經站長指示才知道要乘坐的火車是頭一段路是屬私鉄, 到達好摩後一段路才是JR線. 故我們便需急步去找正確的月台. 原來銀河鉄道的月台是在地面的, 而且還要經過百貨公司的通道Tim. (因我們當時的電梯位是需要沿這條路行的.) 嘩!死嗱! 冇咩時間嗱, 仲要行幾耐o架!
幸好以我們的趕車經驗, 到達入口還有3分鐘左右吧. 但票務員話我們要先買票才可上車. 好驚上唔到車呀, 不過票務員話會等埋我們Wo. 真好!
經過1小時的車程, 終於到達安比高原站了. 與我們一起下車的都有5至6個人左右吧, 由於我們每次下車都要點吓數先, 所以較其他人慢了一點. 就係咁, 當我同老李行至車站出口時, 剛看見一部巴士開走, 我們有理由相信呢班便是我們要坐的那班巴士.
無辨法啦!巴士都走了! 我唯有去電話亭打電話到酒店叫車來接我們啦. 當時接線生回覆5分鐘後會有車, 但我們差唔多等了20分鐘. 不過以我們咩都影餐飽的精神, 等20分鐘真係唔多覺的. 但是全個站只有我們8個人, 加上一望無際 都係雪的感覺都好奇怪. (因唔知架車到底會唔會來接我們, 如果唔來我們點算呢 ?)
講番呢個車站, 都幾鬼馬. 落車時見到條鐵路是單軌的, 而且沒有閘口的, 也沒有站長Tim (這是我第一次係日本發現沒有JR票務員同站長的JR車站.)
終於等到巴士來嗱! 我們覺得呢部小巴仲好過大巴, 因為全車只有我們自己人, 開心D嘛!
車程大約15分鐘左右吧, 沿途看見很多好靚的歐式木屋, 相信秋天來睇紅葉都會好正!
终於到達酒店了APPI, 先去Front Desk check in, 最緊要是要取食晚飯和玩活動的coupon.
首先要解說有關的coupon資料:-我們訂了2間4-5人住的部屋, 每間每晚費用是29,600yen, 當中包括了每間房有10,000yen的晚餐卷,4,000yen的活動coupon及大浴場入浴卷. 由於我們安頓好後已經3時多, 本來打算D coupon是用來去SNOW PARK玩吓雪上水泡, 雪上香焦船及雪上電單車的. 但係原來個Park於3時正已關門. 所以唯有把coupon 改為交男仕們用來玩Night Ski, 因為計過數咁先至可用晒D coupon, 因為明天我們要一早離開. 於是我們共換了4張晚間滑雪卷(用了6,000yen)及余下的2,000yen用來入室內泳池. APPI係一間好大的Ski Resort, 我們住係Village 1的601&602室, 內有1房1廳及有open kitchen . 好嗱!男女分開活動, 男的去滑雪, 女的去游水 (因為我倒的coupon唔夠用, 尚需買多1位1,500yen的 滑雪卷及1張1,000yen的游水 入場卷, 不過咁多人除開都ok的).
第一次對住滑雪埸游水的感覺都幾得意Wo!
由於班男團友滑雪會滑到8時, 所以晚餐時間約左8:30PM. 於是女仕們游完水後便去Night Illusion睇吓燈飾及影吓相先. 全個埸只有我們3人, 緊係La鬼咁凍, 仲一直落緊飄雪Tim. 不過可以睇到咁靚的燈飾都係值得的.
睇完燈飾後, 即刻要入去酒店內的商店買罐熱朱古力取暖吓先. 跟住便坐shuttle回Villa 1食晚餐. 因為我們有20,000yen的coupon, 而且今晚是團年飯, 於是我們決定食好D, 每枱叫2人份的海鮮鍋及2人份的牛肉鍋各一個.
食飽飽後, 本打算同Alice去大浴場浸溫泉, 但到Lobby check schedule時才知5分鐘前剛走了最後一班的shuttle.無計唯有下次有機會先再去La. 因為明天早車, 早D上房執吓行李La.
12時正嗱! (雖然係日本時間) 大家一齊講聲恭喜發財, 一齊迎接大年初一La!! 唔....又係要派利是的時候嗱!
(消費總額) :
活動費 : JPY 312.50 (1,500YEN+1,000YEN/8人) 晚餐 : JPY 1,250.00 (10,000YEN/8人) 酒店 : JPY 7,400.00 (29,600YENx2/8人) 合計 : JPY 9,592.50
沒有留言:
張貼留言