31 MAR 2009 (天陰)
今晚輪到Zoby, Alice & Calvin幫我補祝生日!
因為Alice & Calvin尚未搵到新工作, 加上Zoby結婚後搬離了旺角區, 為了大家就腳同唔好花太多錢, 所以我選了去觀塘APM"潮客"試吓一蚊梅子蒸雞!
"潮客"除了一蚊梅子蒸雞外, 還有打冷8折. 所以都好鬼多人等位. 好彩Alice同Calvin可以早一點去攞位, 仲好厲害地係6:30pm已經入坐了. 當我去到後, 才知道原來Calvin嫂由今日起係香港Training, 所以今晚她都係坐上客!
等埋Zoby後, 便開始叫o野, 我們都叫了唔少食物, 仲order了2個蒸雞Tim!
晚上8:00左右, 收到亞光的SMS, 話妹妹剛生了囡囡, 有6.8斤重. 剛好我可以把呢個消息告知在坐各位. 因為大家以前係同事o麻!
最後我們好想試吓今晚推介的甜品wor! "南瓜椰汁糕". 唔覺有南瓜味, 只有椰汁味!
今晚好多謝大家請我食飯呀!
下次見Zoby可能係Luther生日的6月份吧!
2009日本之旅17天遊 (Day 5) - 大年初一
26 JAN 2009 (天晴)
嘩! 终於搞掂3位大帝o拿! 梅生, 亞儉, 亞君同Rosand帶他們去集合. 而老公陪我去租滑雪用具, 因為我都打算滑一陣雪, 同埋要幫他們續租套滑雪用具, 因先前只租了5小時. 所以我無跟他們落去!
當我係度試緊Boot時, 見亞儉索晒氣咁返o左來, 他話教滑雪個Miss要他們3個的Lift Pass Wor! 好彩 d Pass係我度, 如果唔係又要上房拿!
跟住又見到梅生索晒氣咁返來, 又話嘉熙同寶怡無帶冷帽唔得, 要上房拿帽wor! Oh! 幾時先正常呀!
唉! 终於輪到我們有時間食件蛋糕頂吓肚o拿! 因為男仕們又要出發滑雪, 所以求其食 d o野便算. 大家都話, 今朝係咁走來走去, 真係仲辛苦過自己玩呀!
跟住亞君, 亞儉同梅生先上山. 睇吓d雪道!
而老公陪我滑落去揾寶怡他們! 咦?咁好o既, 一個Miss教他們3個, 直頭係私人教授啦! (於是我一直跟住他們滑!) 而Joan係成人班, 所以她要係另一組. 她個組都好正, 只有2個人! (亞昌就跟住Joan!)
呢位Miss都好有心機教他們. 寶怡見到我, 即刻同我講話剛剛才上完山, 原來Miss要個Lift Pass同他們上山, 他們仲係山上砌雪人Tim, 之後坐番Lift落山! 鬼死咁開心! 不過寶怡初頭好驚, 驚住要係上面滑下來!
之後我跟住他們一起坐另一條短d的Lift, 呢個Lift係圍繞酒店邊及我們今朝玩的Kids Park滑落來的. 都好簡單同好玩!
然後Miss再帶我們向山下的另一雪道滑, 原來呢條雪道係滑到山下停車場之後,再坐Lift上回酒店雪場的.
講到呢條雪道, 真係好長, 初時我都有一點擔心小朋友會唔會有問題. 但總算ok!
不過當我們去到中間轉彎位時, 意外便發生了. 第一個小意外係亞晴俾學生撞跌了(只是失去平衡, 無大問題). 正當我們停下來, Miss搞掂好亞晴之後, 又發生另一意外, 就係有一個學生落斜時停唔到, 剷倒停低的嘉熙個"Pet Pet". 其實當時都幾混亂, 因為當時有很多的學生向下滑落來, 而我們停的剛好係斜一點的轉彎位. 老實講真係睇唔清究竟是誰撞倒嘉熙, 亦睇唔清嘉熙被撞了那個位置!
但係嘉熙哭得好勁話佢條腰好痛, 當時真的好驚他有事. 最後Miss叫我同寶怡先滑落山腳, 當我同寶怡到達山腳時, 寶怡好嬲咁走去搵班學生, 話要剛才撞倒細佬的衰人Say Sorry!又話個位學生係有心撞倒嘉熙. 我同寶怡講個學生唔係有心整親細佬的, 他都係因唔識滑而撞倒細佬的. 個學生無講Sorry走o左係唔啱, 但係現在最緊要係嘉熙無事o麻!不過寶怡當然聽唔入耳, 唯有俾她向住班學生大叫來發洩吧!
之後我們見到Miss背住嘉熙滑下來, 而亞晴被第二位亞Sir抱住滑下來. Miss帶o左他們入醫療室. 而o係呢個時候, 我終於見到亞昌同Joan, 於是我即刻把剛才的事告知他們. 他們便入去醫療室幫嘉熙檢查, 因為Joan係一位護士長, 所以見到她我可以安心好多!
Joan幫嘉熙檢查完, 無傷, 無瘀. 可能嘉熙之前係太過緊張, 另對Boot又夾住對腳較為辛苦吧. 最終, Miss都係叫了部救護雪車來接嘉熙同亞寶返回雪場的學校內冰敷. 而亞晴由另一位亞Sir帶她坐Lift上番雪場, 而我, Joan同亞昌便自行坐Lift!
終於返回滑雪場, o個位亞Sir抱住亞晴滑落去學校(係好鬼斜的雪道), 而我, Joan同亞昌自行滑去學校會合. 去到學校, 嘉熙已經完全無事, 仲話要再玩過! 唉!真係俾佢嚇親!
之後我同他們再玩多兩次坐Lift滑雪, 跟住我便要同亞晴還滑雪用具及換鞋, 因為她唔想玩了, 她要玩雪兜. 當我同亞晴還完o野時, 竟然見到酒店的吉祥物Wor!
我都係時候要去按摩了, 所以亞晴跟住Joan再回去滑雪場玩雪兜. 而我回房間換衫去做按摩. 當我返房時, 當然要探吓Rosand先啦, 因她今日全職照顧亞橦, 無份玩! 難得做個好媽媽!
約了5:00pm去按摩1小時 (全身 : JPY6,300), 嘩!感覺超正, 全程指壓, 好鬼舒服呀!雖然係貴o左d, 不過都係值o既!
按完摩後, 我去換取昨天吸印遊戲的檸檬汽水! (只有其中12枝係我們的)
跟住去Rosand房, 亞橦剛好睡完覺, 而寶怡,亞晴同嘉熙也回來了. 他們在我房間睇相及等班男仕滑完雪後去食晚飯.
幾位男仕终於滑夠雪回來了, 於是我們便一起換浴衣下去食晚飯! 不過, 下去前先影吓浴衣照!
好肚餓呀!要去食飯o拿!因為大家Lunch都無咩食o野! 今晚我們去試另一間餐廳, 都係Buffet!正!
食完飯, 小朋友話要係餐廳門口影那部雪車!
跟住我們去o左遊戲中心玩一陣, 因為原來每間房有10個coins送! 不過呢d coins只係可以玩d唔太好玩的遊戲!
d小朋友好唔捨得咁快玩晒d coins, 所以"摩"o左成半粒鐘先玩完!
之後大家回房間Hea一陣便去浸露天風呂!
(消費總額) : 按摩 : JPY 6,300.00 (1人) 租滑雪用具 : JPY 4,500.00 (1人) 酒店 : JPY 28,000.00 (2人) 合計 : JPY 38,800.00 (2人)
嘉熙遊記 :
上一篇 : 日本合家歡之旅 - (Day5 - 26/1/09) 上越國際GREEN PLAZA酒店 - 上午篇
下一篇 : 日本合家歡之旅 - (Day6 - 27/1/09) - 上越國際酒店, 越後湯沢駅
28 MAR 2009 (天陰)
今晚係由Boris請客! 多謝晒!
其實今晚的飯局係2個月前已經話要出來聚聚的, 但要搞到上星期才落實. 所以順理成章便成為我的生日飯局Lor!
講起Boirs, 我同他都認識了15年o拿! 大家相識於微時. 當時我們兩間公司的老闆係老友, 所以我們經常會有電話聯絡. 之後他去了Trading公司做, 仲變成我的其中一位客人. 現在我同他的角色掉轉了, 希望有機會成為他的客人吧!
係度我都要恭喜Boris係12月成o左親, 娶o左位靚靚上海姑娘! 祝他們白頭到老!早生貴子啦!
今日我們在荃灣"Fat Angelo's" 食晚飯, 因為方便Boris回家, 而我同老公也剛好今天要去荃灣探奶奶!
下次的聚會暫定去Boris家, 不過要等他太太來港先!
27 MAR 2009 (天陰,下雨)
今日我同老公都特登請假出外慶祝生日. 其實先前我想去台灣玩3天的, 但因公司要減人工, 所以都係慳番D錢吧!
今日我們約了Tammy, Alice同Calvin一起去南Y島. 我們坐12:00PM船入去, 只需30分鍾的船程便到達了. 我們第一站便決定先去食Lunch, 於是我們揾了間BB海景餐廳 (因為先前係新假期雜誌有9拆Coupon).
正當我們食完Lunch後, 打算埋單出去行吓之際. 個天便開始不停地下雨, 仲打雷Tim! 咁我們唯有繼續係餐廳Hea吓啦! 好彩間餐廳的環境唔錯, 我們仲可以係僅有的空間影吓相!
相又影完, Drink又飲完. 但係D雨仲未落完wor! 於是我們決定再order多一個Cake Set, 我又可以再一次吹吓蠟燭o拿!
話實呢間餐廳的員工都好好人, 我們同隔離枱的兩位外國女仕一同係間餐廳度都坐o左有4粒鍾o架! 因為成個下午d雨都無停過, 最搞笑係d員工話不如我們係度食埋晚飯先走, 因為我們由12:45pm開始食晏, 3:00pm多食Cake, 所以應該係度食埋晚餐wor!
睇吓d雨真係落過不停的!
後來仲越來越大雨, 我們要由室外搬入室內坐.
5:00pm開始無咁大雨o拿! 終於我們決定埋單, 出去走走, 再坐5:50pm的船走!
張相內的啡狗仔, 好鬼得意, 完全唔怕人. 牠竟然夠膽死係我們5個人中間慢慢行過.(當時我們5人係面對面企的) 之後我們懷疑牠是來接船的, 因為我們見到牠一睇到船埋岸時便走落碼頭, 仲開始好緊張同興奮. 可惜呢班船唔見牠的主人. 後來我好八卦咁問船上的員工, 呢隻狗狗係o米經常係度接主人o架? 他們証實係的! 嘩! 我真係覺得d狗好有靈性呀!
今日真係好多謝老公同我的好朋友Alice, Tammy,Calvin一起出來陪我過生日. 雖然只係在一間餐廳Hea, 但係我們可以係咁好環境的餐廳, 咁優閒地傾吓計, 感覺都好唔錯!
由於Alice要返外家食晚飯, 所以晚上我們4人便同亞儉會合後去太古城中心影"懷舊玩具"展!
睇吓睇吓, 竟然撞見老公個老同學"Paul 少", 好似都有兩年幾無見過他了,而他太太同囝囝我都有10年無見過吧. 咁擇日不如撞日o拿, 加上我們d朋友基本都係一次生 兩次熟果隻, 所以睇完o野後我們便一起去食晚飯!
