掃墓

15 MAR 2009   (天陰)

大學東鐵站  > 深圳大鵬灣 (自行租中港車)

又到一年一度的掃墓日子了! 每年老公的家人都會提早一點去掃墓的, 因可以唔駛咁迫埋, 特別係我們要上大陸Tim! 如果唔提早, 到時肯定過關都迫餐懵啦!

每年的負責人都係大家姐同大姐夫, 姐夫負責Book車, 而家姐負責買所需品. 但今年大家姐因為三日前急性盲腸炎要入院做手術, 所以她今天不能出席. 而買東西的責任便改由二家姐安排了! 真係唔該晒他們, 每年都要勞煩他們!

講真現在我們呢一代, 對於掃墓的程序真係越來越簡化了! 記得小時跟父母去拜山時, 係帶好多物品送予先人的! 唔知我們的下一代, 到時又會變成點呢?