團拜大聚會

22 FEB 2009   (天晴)

終於等到今日的大團拜了! 農曆精月二十八都仲要派利是. 無計啦!呢班係好朋友oYo麻!一定要派o既!

今日我們約o左去亞昌家, 因為有好幾位朋友都未去過亞昌屋企. 我們約了4:00pm左右, 晚上7時前會打邊爐. (又係打邊爐呀, 我係日本返來2星期打了3次邊爐, 所以咳一直都未好番Lor! 不過大家高興, 我一定參與的!)

由於人未到齊, 所以我, Alice, Rosand同Doris先帶小朋友落Club House玩. 我都係第一次去兒童Club House炸, 嘩!原來咁可愛o家!

由於玩吓玩吓發生了一件小意外, 就係杰昇o既無情力竟然打到嘉熙爆唇. 於是大家無得玩, 要返上去!

之後大家陸續到來, 咁便開始派利是的環節o拿! 睇吓Parco有幾多利是!

未食前, 班小朋友先捉吓圍棋. "圍棋", 我都唔識點玩Tim!

因為亞昌早上去ICAC取了4張OPEN DAY的入場卷, 於是便帶了寶怡, 嘉熙同亞晴去參觀. 而我們便開始打邊爐了. 由於無屋主係度, 工人話只有我們所見的食物, 吓!大家心諗邊度夠食呀, 於是大眼同亞傑便決定出去買o野加料. 哈!點知, 俾我同Alice發現原來雪櫃內仲有好多o野食wor! 於是我們便唔客氣咁攞晒出來. 最後, 大眼同亞傑買了水餃, 魚片同肥牛返來. 

當然最後都係眼闊肚窄啦!食剩唔少. 我諗亞昌一家都要食多2餐先得o拿!

大家一邊食一邊傾吓計, 影吓相咁啦!