老公不在家 - 出Trip去Miland

30 NOV 2008   (天晴,寒冷)

  

老公今晚會坐12:00AM的瑞士航空去蘇黎世, 之後再轉機去米蘭. 一路順風呀!老公!

 

今天下午幫老公執行李, 聽聞米蘭那邊已經落緊雪. 所以要幫他用最慳位的方法來擺放衣物, 因他唔想帶大o急, 只想帶1架手推車. 最終, 緊係無問題啦!

 

今次老公總共去5日, 會於5/12回港. 不過我會於6/12&7/12去澳門與舊同學聚舊. 真係唔好意思, 又無時間陪老公Tim! (可能他會好高興, 因為無人阻住他打機!)

 

呢幾晚我已經幫自已安排好所有的節目, 所以老公係唔駛擔心我o家! 你努力見客, 俾心機搵錢啦!

 

Oh!剛剛(10:40pm)接到老公的電話, 以為他開始入閘.  點知他告訴我班機係烏魯木齊機件有事, 故要延誤起飛. 但又唔知要延到幾點. 唉! 今次他個Trip都有一點唔係咁smooth, 本來他們是坐Thai的, 因Thai 呢幾日的反政府問題, 所以便於星期四改坐Swiss. 點知現在有咁樣! 希望他之後的行程全部都順順利利啦!

 

 

6折唱K

26 NOV 2008   (天晴)

 

個人認為每次辛苦工作完又或考完試, 一定要搵番d節目平衡吓先得.

我於上星期回港時係周刊見到RED BOX/GREEN BOX於11月份每星三用恆生咭找數可全單有6折wor!

所以我同老公決定約埋梅生同Tammy去唱K. 我想都有超過10年無同Tammy一同去唱K, 今晚點解會有她份, 因為本來老公是於23/11要去意大利的, 故我約了Tammy食飯. 後來老公改了於30/11才走. 所以她便與我們一起去唱K.

今日我們4人去了美麗華的Red Box, 間房超細. 原本只限唱2個半鐘, 最終無限時間. 好正! 仲唔知點解有一碟炸雞送Tim!

就係咁, 我們攪到1:00am才離開! 唱o左成晚,每人都係HK$90.00!

Elizabeth's Birthday

28 NOV 2008   (寒冷)

今日係鬼妹"Elizabeth"的生日. 因為今個Trip她要負責2個Team, 所以她要延遲回NY, 無得放Thanks Giving Day假之餘, 仲要係香港過她的生日.

所以我們全組同事及SLG組的兩位Development同事便於今晚陪她過生日. 去老外指定地方 - 蘭桂坊.

由於3年前曾在蘭桂坊的某一意大利餐廳, 食了差不多HK$6,000的晚餐. 那次被公司的Accountant 勁炸型, 所以今次我上網搵到一間有Evening Promotion Menu的餐廳 - "THE ANNEXX", 每位HK$228 (incl. Starters, Main course, soup/dessert)

坐低後, 鬼妹先點了她喜歡的紅酒(HK$568.00+10%)

之後上湯: (龍蝦湯)

我們分別叫了以下的Starters:-

蟹餅

炸魷魚

鴨胸

吞拿魚

鵝肝

食完頭盆, 我們先送上生日禮物.

我們的Main course:

澳洲羊扒(3份)

大老點的

鬼妹點的魚

鴨腿

安格斯牛扒

 

最後上的是免費的dessert, 這是送給壽星女的.

全單為HK$2,600多一點, 不計2枝紅酒. 價錢OK, 食物質素都唔差. 係嘈了一點, 因為Happy Hour較多鬼係度飲o野!

之後大佬要先回家交人, 跟住鬼妹再請我們到隔離的那間吧飲o野.

之後送鬼妹返酒店, 回到家都已經1:00am了. 希望Elizabeth係香港有個開心的生日啦!

Development Trip - Fall 09 "Part 2"

15 NOV - 16 NOV 2008   (天晴)

15 NOV (第一天)

今天要10:00am返公司先等樣辨.寄辨, 開會. 直至3:15pm才可以離開公司. 因為工廠的司機己於2:00pm在落馬州那邊等我同鬼妹. 所以我決定call的士直接去落馬州(車費約HK$260, 需時30分鐘左右).

4:00PM前到達落馬州,5:00PM多一點到達工廠. 8:00PM離開工廠返酒店Cehck In同食晚飯.

Check In 時, 酒店說只有一間豪華湖景房. 當然這唯一一間是留給鬼妹的. 因為2次來Check In時, 酒店都要我們Downgrade, 所以鬼妹要求搵大堂經理投訴. 於是酒店便給我一間SUITE, 不過是係5/F的. 初時我都拒絕, 因心想只係睡一晚, 都無所謂啦! 便決定住高級湖景房吧. 但當我入房時, 因為我這間是尾房, 加上同隔離房係雙連房. 感覺唔太好. 最終我都係改住了5/F的SUTIE.

這間Suite係有2層的(初時我以為只係一間普通的套房). 其實一個人住都有點驚. 基本上全晚我只在樓上活動.

樓下照:

樓上照:

樓下露台照:

就係咁用RMB830住了一晚打折後都要RMB2,600的貴房.

16 NOV (第二天)

今天總公司的最高領導人- 大姐大到廠, 他們會先去龍崗的工廠,  由於我明天9:30AM有Meeting見客, 所以我決定留係塘廈的工廠做Quotation, 而大賢生同鬼妹便過那邊跟他們會合. 好彩!我沒有過那邊, 如果唔係,我又會無得食晏, 仲整個下午不停的俾大姐大轟炸.

中午由於要返酒店Check Out, 於是便在酒店食晏. (我今次叫o左個喇沙,味道都ok!)

他們4:30pm回來, 終於到我被轟炸了! 真的好難頂, 被大姐大的疲勞轟炸, 精神好累呀!本來訂了7:00pm食日本鐵板燒. 最後我們8:00pm才可回酒店食晚飯. (要Jessica係餐廳等我們個半小時, 真係唔好意思!)

因為約了中港車於8:45pm來接我們, 所以我同大賢生每人只叫了1份加州卷, 最终我們都要9:10pm才離開酒店. 回到香港已經10:30pm, 之後幫鬼仔Check In後便坐的士回家.

今次的Development Trip 雖然較先前的短了數天, 但卻比先前的5次辛苦很多. 今次又要早起身, 遲食晚飯, 仲無機會可以去按摩Tim!

唉!好掛住有Jennifer的時候呀!