20 DEC 2008 (天晴)
2月13日下午, 收到大契女 - "寶怡"的來電
今早真係返工都無咁早的7:20am起身
等人齊後, 都要9:45am. 之後便一同到社區中心聽講簡單的介紹, 跟住便分派受訪老人家的姓名,地址及地圖予我們. 我终於可以做吓家長o拿, 感覺都好特別!
原來我們今次的主題係 "回看人生", 目的是訪問長者的生平,之後幫他們做一份回憶錄, 又真係幾有意思的!
今日的主角是一位年屆90歲的長者, 由於盧老伯伯是講普通話, 雖然他是懂聽廣東話, 但社區中心好細心地邀請了盧小姐來作我們的翻譯. 今次真係唔該晒盧小姐的幫忙!
今次的訪問大約2個半小時吧, 係呢2個半小時內由3位小朋友向受訪者提出問題
而我在訪問當中,聽了伯伯好多好有意思的往事, 及伯伯對家庭的付出與承擔. 真係令我好感動, 特別係伯伯對太太的愛及關懷
我們會於2月28日左右把完成好的作品送贈予盧伯伯, 其實我都好期待她們的作品o家!
17 DEC 2008 (天晴)
今晚的飯局真係約o左好耐先得到大家的共識, 因為大家都忙, 好難才可以落實時間. 我都有差唔多2年無與她們見面吧.
其實我跟她們共事了很短的時間(Mani, Crystal約2個月吧, 而Emily只有1個月), 但大家都十分啱Key! 加上公司內有一位人見人憎超級無敵討厭的大肥婆, 所以我們更加要團結及同仇敵愾啦! (當時公司只有我們4人, 大肥婆及老闆共6人!)
我們今晚約o左係朗豪坊食晚飯, 大家報告完近況後, 最後梗係由Crystal講吓近來大肥婆的好事啦!
我們仲即時有個Idea, 就係會於Facebook上開個新群組來俾大家受過大肥婆好好幫忙的所有新舊同事發洩!
嘩!Crystal真係快手, 當我回家上網時即有呢個新群組的e-mail, 而且已經有10多位新舊受害人已入組. 好期待大家的苦水呀! 一定超好笑! 哈!
14 DEC 2008 (天晴)
基本上每一個節日的飯聚都會提早1-2星期, 因為大家都要夾時間. 自從奶奶2003年入了老人院後, 我們一般都係會出外面食飯較多. 今年比較特別, 大家姐約我們先到她家打台灣牌, 之後才食晚飯.
今日下午我同老公先約Kim Kim係荃灣A1食個Lunch.
跟住去探奶奶, 之後才上大家姐屋企. 我, 大家姐, 二家姐同大家姐囝囝總共打了4圈牌, 初時我都係大輸家, 好彩最後都有HK$20進賬.
雖然今日我們都係食住家菜
總共8款菜, 做節88聲好意頭o麻!
今次真係麻煩晒大家姐同大姐夫o拿! 唔該晒! 仲有d菜真係好好味呀!
結婚紀念日 - 12週年
10 DEC 2008 (天晴)
又一年了! 今日係我同老公的大日子 - 結婚12週年紀念日.
今日我們都請o左假, 打算帶埋我們的愛犬一同出去影吓相. 但又唔想咁頻僕. 所以決定去近近地的科學園行吓.
我們於11:45am起床, 1:30pm才與爸媽,狗狗一同出發去科學園. 科學園的環境都唔錯, 好寧靜!
一場來到, 梗係要同BB影番d靚相先. 不過BB想訓覺多一點吧.
爸媽3:00多左右話要先帶BB回家, 因為狗狗要訓覺嗱! 他們走後, 我跟老公再影多一陣相.
之後才去食遲來的午餐! 呢度都有好幾個FOOD COURT, 價錢都合理(以下兩款餐都係HK$28包一杯汽水)! 不過唔知點解, 影相會有人來制止?
我們選擇了露天茶坐, 感覺好寫意!
唔知點解4:00pm, 便見到月亮的出現了!
跟住我們出海濱走廊睇睇!
我們4:30離開, 繼續我們今日的第2個節目 - 唱K!
之後係新城市廣場逛逛及揾o野食.
最終揾了呢間叫"鈇板燒200"的日本料理店.
講真食物質素唔係咁得, 可以唔駛再去!
我們叫o左個2人前餐, 但無一樣係鈇板燒整的 (HK$290.00)
另外再叫了一個松葉蟹+海旦粥 (HK$98.0), 但隻蟹只不過係香港的普通蟹. 有點兒搵笨!
之後再加2款串燒. (HK$12.00/款) 埋單HK$476.00
雖然今次的晚餐唔係太好食, 不過都無影響我同老公的心情!
