做義工家訪

20 DEC 2008   (天晴)

 

2月13日下午, 收到大契女 - "寶怡"的來電

, 問我20號的早上可唔可以陪她一起去做義工?  第一時間我梗係問吓幾點開始先, 她回答我係早上9:15am. 當時心諗

, 唔係呀咁早, 我平時的星期六,日無1:00pm係唔會起身o家! 但又回心一諗, 難得契女叫到, 無理由拒絕o家! 終於決定去參加

! 

今早真係返工都無咁早的7:20am起身

, 之後好快捷地去坐巴士. 因為約o左9:15am係筲箕灣MTR站等, 為o左契女唔好無面, 所以絕對不能遲到o家! Oh, 好大壓力Tim!

等人齊後, 都要9:45am. 之後便一同到社區中心聽講簡單的介紹, 跟住便分派受訪老人家的姓名,地址及地圖予我們. 我终於可以做吓家長o拿, 感覺都好特別! 

我們那組共有4位成員, 我係組長, 加埋契女及她的2位F.3師姐.

原來我們今次的主題係 "回看人生", 目的是訪問長者的生平,之後幫他們做一份回憶錄, 又真係幾有意思的!

今日的主角是一位年屆90歲的長者, 由於盧老伯伯是講普通話, 雖然他是懂聽廣東話, 但社區中心好細心地邀請了盧小姐來作我們的翻譯. 今次真係唔該晒盧小姐的幫忙! 

今次的訪問大約2個半小時吧, 係呢2個半小時內由3位小朋友向受訪者提出問題

, 又會拍吓

長者的家居, 至愛的相片, 家庭照等..... (真係成個小記者咁款!)

而我在訪問當中,聽了伯伯好多好有意思的往事, 及伯伯對家庭的付出與承擔. 真係令我好感動, 特別係伯伯對太太的愛及關懷

.(就連盧小姐自己都係咁覺得)  我唔知同組的3位小朋友(包括我的契女)會否明白當中所講的事情呢? Anyway, 希望她們可以努力垛去做好呢份回憶錄, 好讓伯伯有一本好的收藏品! 加油

, 祝盧伯伯身體健康, 生活開開心心!

我們會於2月28日左右把完成好的作品送贈予盧伯伯, 其實我都好期待她們的作品o家!