20 Mar 2010 (天晴)
昨晚加班到晚上11:00才離開公司
平時的星期六, 我一定會睡到下午1:30多才起身. 今日認真破天荒, 我專程要在早上10:30起身, 因為我要打長途追工廠報價, 如果唔係我星期一面聖時便會有問題. 之後不停地用電腦入資料, 直至下午5:30, 我真的悶爆了. 於是我決定要出外買東西來減壓.
終於我買了兩件新衣服.
一件是生日時穿的.
一件是明天去飲時.
晚上返外家食飯. 回家後本來還要繼續工作, 不過我決定放棄了. 最後露花陪我睇戲再減壓, 今次終於可以睇我想睇很久的"Hachiko".
幸好今天都有一個愉快的減壓節目來平衡吓近排的非人生活!
13 Mar 2010 (天晴)
今天約o左叻靚醒來我家, 最主要係來download所有的韓國相, 而晚上會過我老爸老媽那邊食晚飯, 順便探吓BB狗.
昨晚露花又買了一新玩具回家(換o左新M),
他話專情為叻靚醒而買o架, 因為食完晚飯後我們會在家睇由韓國買回來的Blueray碟"2012".
呢D全係由韓國買回來的Blueray Disc.
開埸喇! 因為叻靚醒冇係戲院睇過, 所以我才陪她睇. 如果平時, 我睇過的戲一般都唔會再重睇, 當然露花有番睇又番睇的習慣啦.
睇完戲, 又到食宵夜的時間. 嘩! 好Heavy呀, 不過好好味, 多謝叻靚醒買來的Cheese Cake.
12 Mar 2010 (回暖)
今次的"愛八會"聚會都約o左有個幾月喇! 因為其中4位會友, 包括我都係在過年時出外旅遊.
今晚我們的集會地點係酒樓打邊爐. 今次真係好多謝團長的好介紹, 呢度真係地點就腳, 坐得舒服, 食物美味, 價錢合理. 團長真唔係浪得虛名, 做慣團長, 一定有好介照. Yeah!
今晚有特別嘉賓出現呀! 邊位, o米係好多fans的JJ小姐Lor! 事前完全唔知她會出現o架! 好開心呀, 今晚又可以見到她, 原來我們係食方面仲好夾Tim!
唔好意思, 今晚又係我最遲, 又要班姊妹等我Tim! 我知大家明白我o既!
坐定後, 到派手信及收手信的時候喇. 多謝波豬媽同亞Ming呀!
唔好意思呀JJ, 唔知你今晚會俾驚喜我們, 所以無預備手信過你Tim!
今晚真係好開心, 我們由8;00pm傾到成11:00pm. 果然係三個女人一個墟, 所以我們今次有兩個墟. 全晚個口真係無停過, 要不停講, 不停食, 仲要不停笑Wor! 你們話係o米會好攰喇! 睇吓大家笑得幾開心, 真係由心到笑出來o架!
今晚我同波豬媽仲有個驚喜Tim! 就係估唔到姊妹們會為我們預備o左個好似我們成班會員咁又有外在美, 又有內在美的超好味生日蛋糕喇!
兩位三月之星吹蠟燭同切蛋糕!
好感動呀! 
再一次多謝"愛八會"的姊妹們. 送個
6 MAR 2010 (潮濕)
今晚約o左Zoby,Calvin同叻靚醒去唱K來補祝生日. 因為咁, 所以下午我先約叻靚醒去做Facial. 扮完靚靚後才去唱K!
7:00PM大家各自到apm的Green Box, 今晚我們決定都係加錢食果D唔係咁好食的Buffet. 為o左可集中精神唱K, 大家嗱嗱淋出去攞o野食填飽個肚.
張枱清得乾乾淨淨, 可以正正式式唱歌!
今晚我們由7:00pm唱到零晨一點幾. 最初梗係唱吓新歌啦, 跟住一定係到唱舊歌. 又幾舊, 真係好舊呀, 今晚我們的新目標係唱"除小鳳"呀, 真係幾搞笑!
見今晚係農曆年後的第一次同Zoby見面, 加上又你為叻靚醒補祝生日. 大家一致認為要唱番首應節歌"喜氣洋洋".
喇!以下段片, 唔嚇得的人唔好click來睇呀!
http://www.youtube.com/watch?v=9dmQJEU8Eok
12:00前, 同叻靚醒再講聲生日快樂先.
睇吓大家唱歌幾投入.
好開心的一個晚上!
