外家的團年飯

17 JAN 2009   (天晴)

上星期約定2個細佬今晚回家食團年飯. 食飯前我先帶2位姪女去買新年的新衣及新鞋. 見她兩姊妹試鞋後跳吓跳吓, 真係好攪笑.

今晚辛苦晒老豆o拿, 煮咁多o野.

食完飯後, 細佬幫兩個女換新裝同姑媽影吓相先. 因我要過o左年先會見到她們.

兩姊妹的合照

件過年外套仔係亞嫲買的.

希望新一年我的家人身體健康, 開開心心啦!

 

 

團年飯

18 JAN 2009   (天晴)

 

係呢10年左右, 基本上每年的團年飯都會提早, 因我同老公多數在過年前出發去旅行.

今晚同冬至那餐一樣, 全由大家姐同大姐夫操刀. 再一次唔該晒兩位! 今晚的團年飯也是於上次冬至時約定的. 但2天前三家姐突然有事不能出席, 而我們有無其餘的時間, 所以唯有照原定安排!

餐單 :

大家姐同大姐夫的傑作 :

食飽飽後, 仲有湯圓Tim, 湯丸係由四家姐整的. 好好味呀!

祝大家新一年身體健康, 開開心心!

2009年農曆年的17日暫定行程表 - 預備出發篇

20 JAN 2009   (天晴)

 

在我的不死心游說及利誘下(先借用我的飛行里數), 終於我的老死 - Alice係星期日決定Join我們的旅程. 好高興呀!

 雖然她29/1才到, 唔緊要啦!仲有成10日玩o麻! 

昨天终於要換錢o拿! 好貴呀, 個Rate要8.56, 今次都係我第一次用咁貴的Rate去日本, 無計啦! 今次咁多老死一起去,又一早約去晒! 最多唔買咁多o野啦(盡量!)

由於日元實在太貴, 最後我們決定改住Appartment, 因為要搵無需連續住7Days的, 所以現選了位於常盤台的住宅區. (要係池袋轉坐東武東上線10分鐘). 等我回來報告環境OK唔OK啦!

22 JAN : 香港 > 廣州機場 > 成田機場 > 池袋 (由於下午機, 去到酒店都要11:00pm多)

23 JAN : 池袋 > SANRIO > 池袋接亞昌

24 JAN : 池袋 > 東京 >  池袋 (亞昌一家同亞君一家去迪士尼, 我呢位契媽係唔會陪他們去)

25 JAN :  池袋 > 越後湯沢 > 上越國際滑雪場　

26 JAN :  上越國際

27 JAN :  上越國際 > 越後湯沢 > 池袋 (這晚咪咪一家到達日本)

28 JAN : 池袋  > 千葉縣 (Mother Farm)

29 JAN :  千葉縣  >  池袋 (Alice到達)

30 JAN :  池袋 > 草津溫泉 (這日亞昌一家回港)

31 JAN :  草津溫泉

1 FEB :   草津溫泉 > 輕井沢 > 池袋

2 FEB :   池袋 > Kidzaina > 上野

3 FEB :  上野  > 白馬 (這日ROSAND一家回港,o米o米一家自由活動) - 白馬未book, 打算23/1才係東京JR訂Package, 因要包埋新幹線才抵.

4 FEB :   白馬 > 上野

5 FEB :   上野, 東京四圍逛 (這日o米o米一家回港)

6 FEB : 上野, 東京四圍逛

7 FEB :   上野 > 成田機場  > 廣州機場 > 香港 (Alice要下午機回廣州, 麻煩梅生係廣州照顧她!)

行李都執得八八九九, 今次可以話係咁多年第一次咁快執定行李, 因明晚公司食年夜飯, 返到屋企都可能無時間執o野.

最緊要唔好漏帶我精心炮製的旅遊資料File!

好啦! 返來再報告我的遊記啦!

2009年的第一次去街街

1 JAN 2009   (天晴)

今次呢篇Blog係我衝破第100篇的Blog

. 所以決定留俾我家愛犬用. 亦都好多謝各位Blog友用你們實貴的時間來我個Blog參觀及留言.

今日例行2星期一次帶我家BB狗去九展4/F - "吉之家"游水, 做物理治療. 當我們一上的士, BB狗已經不停地打震, 可能她已經開始唔鍾意去游水. 但係唔得wor, 好明顯她游水後前腳好番好多, 有力很多. 乖啦BB, 你已經14歲半, 如果手腳有咩事的話會好麻煩o家! 所以你要俾心機呀!

俾大家欣賞吓BB狗的泳姿.

游完水, 要等半小時的吹乾. 於是我同老公打算到1/F下午茶. 點知咁啱撞見"何生"一家, 先前好幾前特登約都約唔到. 今日竟然又會撞見, 我都係第一次見他家的威哥. 果然名不虛傳係一隻惡狗呀!

今日幫BB買了一件過年新裝.

臨走前再影多2張聖誕節的相先.

新一年希望BB狗身體健康啦!

 

 

 

 

 

第一次海洋公園遊

3 JAN 2009   (天晴)

今日我呢位姑媽終於可以請我兩位姪女去海洋公園o拿! 因為要等我細佬放假先可以一起去, 如果唔係相信我同爺爺嫲嫲係攪唔掂她們. 唔係話她兩百厭呀, 係怕她們玩玩吓要訓覺炸!

今次是兩位小朋友第一次到海洋公園, 原來亞爺都係第一次! 咁又係, 我們小時, 老豆要搵食邊有時間同我們去玩oY! 唔緊要, 今次由我帶番他去玩啦!

兩姊妹咩都有興趣睇, 不過家姐  柔柔就好細膽, 見到好多未見過的o野都會驚.唔知係o米關她唔足月出生的關係呢? 講開柔柔, 現在見她咁得意,健康真係好放心, 雖然隻左腳行得唔係咁穩, 仲要做物理治療. 諗番起她出生時只有2磅多, 足足住了醫院差唔多一年.

亞妹就大膽好多了, 仲好鍾意影相Tim.

亞妹每次影完相, 都會叫家姐來啦來啦!

同她們先後去了玩投雪.

之後同她們坐吊車去睇熊媽, 今次好好彩撞正剛餵食的時間, 所以可以見晒4隻國寶.

安安

佳佳

盈盈

樂樂

跟住再帶她們去兒童王國. 佢地咁細個, 只可以玩最基本的木馬同最開心的滑梯Lor!

之後再坐吊車過去搵位睇海洋劇場. 今日唔算太多人, 排吊車十分容易, 好難得呀!

搵o左位坐底後, 我同老豆去買o野食, 食完後兩位小朋友開始眼訓. 最後亞妹頂唔住訓o左, 後來聽到好多的掌聲後醒o左. 她完全無忟憎, 仲睇得好開心Tim!

睇完後我們便回家. 見到她們咁開心的笑容, 相信她們都玩得好滿足! 係時候要回家恰一恰了.