28 DEC 2008 (天陰, 有雨)
話咁快今天便是最後1日的假期了! 今日我約o左契女一家6口, Doris一家同亞儉(大小共11人)去大嶼山行吓.
我們於早上11:30係港外線6碼頭等, 之後坐12;00pm船入梅窩. 呢班係快船, 所以都幾貴, 要成HK$30多元o家!
因為Rosand好想再去幫襯番上次的東姑亭海鮮店 - "順興海鮮飯店". 講真呢間店又真係唔錯, 食物好味之餘, 仲大件夾抵食Tim.
我們叫了一個四人餐. (上次我們都係食呢個餐)
例湯任飲
還有叫了一個羊腩煲, 扣肉煲, 椒鹽鮮魷, 辣酒煮花螺,蝦仁炒蛋同中式牛柳, 2枝啤酒, 11個飯. 全單都係HK$845.00.
當我們3個女人點菜期間, 老公原來帶o左3個小朋友出外面影杷.
今日的天氣認真麻麻, 好彩係我們食飯的時候才落了一陣大雨. 食飽飽後, 我們便帶小朋友到銀礦灣o個公園仔玩.
當時遇到一隻好可愛的小狗, 亞晴仲好鍾意隻狗狗Tim!
玩吓玩吓, 又開始下雨. 於是我們決定坐街渡過愉景灣行吓, HK$10.00一位(大小同價)
上船後, 我們當然要沿途影吓相La!
行到碼頭時, 小朋友見到間聖誕屋時十分之開心!
藍色衫o個位小朋友好攪笑, 一定要同我們o個3個小朋友合照.
因為又開始落雨, 而且風也開始很大. 所以我們決定入去麥當奴避雨.
兩姊妹梗係有鬧架的時候, 今次仲唔俾我呢個契媽影低來做紀錄. (亞妹好嬲, 家姐偷笑!)
之後再影吓相.
跟住便坐5:50分的船返中環.
見一場來到IFC, 於是去影吓摩天輪先.
後來撞見Doris亞妹 - Fanny.
由於明天要返工, 所以決定早一點回家, 唔去婆婆家食飯了. 返到屋企附近個商場, 見有相機係度, 於是都應吓節咁影番幾張相先.
沒有留言:
張貼留言