與o米o米的約會

29 JAN 2008   (轉冷)

今晚約了o米o米出來去配有框眼鏡, 也因利成便地提早請o米o米食晚飯, 預祝她的1月份生日

. 幾多歲就唔好講o拿, 因我同她係同年o家, 而且我們係F.1已經認識o家!

話時話, 都有好幾年無約o米o米於晚上出來食飯了, 現在囝囝讀小學加上有姐姐的幫忙, 所以o米o米都有多了一點時間可以行開吓! 呢D就係母愛啦

! 係o黎緊的農曆年可以同o米o米一家去日本, 真係好開心! (如果D Yen可以趺番7 就仲開心呀!)

今晚我們先到太子睇眼鏡框, 基本上已選中了, 但由於老闆話下星期會有新的名牌靚框, 故提議先幫我hold 住我的 1st choice, 待下星期貨到後再call 我們上去. 今時今日咁o既服務態度先正確的!

之後我們便去附近的餐廳食晚飯, 本來決定去試吓間樓上cafe, 但上到去坐底後, 發覺個menu唔係好啱食, 加上地方又好細. 最後唔好意思都要講聲後離開去另一間餐廳.  最终我們選了"紅螞蟻", 食物都唔錯. 我們點了沙律, PIZZA, 意粉及軟穀蟹, 全單約HK$240.00, 可能我同o米o米太肚餓吧, 竟然兩個寫Blog人都唔記得要影吓d食物. 真係完全唔專業呀! 哈!

最後唯有等我老公來幫我們係門口影番張合照來寫blog用啦!  

希望我們可以再多d出來食吓飯,傾吓計啦!