日本合家歡之旅 - (Day3 - 24/1/09) - 台場四圍逛篇

2009日本之旅今17天遊 (Day 3)

24 JAN 2009 (天陰)

池袋 > 銀座 (丸之內線)

銀座 > 新橋 (銀座線)

食飽飽後, 大家一起向台場出發o拿! 其實原先亞君及亞昌兩家人是打算去迪士尼的, 但因日元高企, 加上今天係星期六的緣故, 最终都是決定放棄唔去. 所以我們便改去台場行吓!

新橋 > 台場 (ゆりかもめ線)

小朋友知道呢班火車是無人架駛列車後, 一上車即走去車頭霸位!

下車後亞橦又到了要午睡的時間了, 所以亞君無得行街, 要抱女先入"AQUA CITY"商場內Hea吓!

而我們好無義氣咁自己去行街及影相! 老實講, 係呢個時候邊有人會肯陪他Wor

! 連他老婆都話要去Shopping 啦!

我們先到平台影相!

之後我, Rosand, Joan當然要去Shopping 啦

! 第一點係agnis b, 大家都有滿意的收獲

! 亞昌呢位好爸爸帶3位小朋友去行Disney Store, 而老公, 亞儉同梅生去Coffee Shop嘆啡!

1小時後,大家係亞君Hea的地點會合, 而亞橦已經睡夠o拿! 咁大家又繼續我們的四圍逛行程! 首先帶亞橦去Disney Store睇吓, 影吓相!

亞橦仲鬼死咁High, 係度扮Model Tim!

小插曲 : 會合之後, 亞昌兩父女發生了一件唔係幾開心的事情.

事緣係大家小休時, 昌爸同亞囡寶怡話去再行吓吧!但寶怡話唔去行o拿, 仲要昌爸四圍行時幫手影吓相. 但昌爸回答唔影, 於是亞囡開始唔高興. 最終昌爸可能唔想亞囡唔高興吧, 於是回覆好啦,攞相機來. 誰知當時呢兩父女係交相機的過程中, 部相機趺了在地上. 最終壞了

! 於是昌爸好嬲咁教訓亞囡

! 唔! 其實今次呢件小意外的發生, 都可以話係寶怡發悔氣, 唔睇清楚地亂咁俾部相機而發生的!    我知我呢位大契女都知錯的

, 下次對爸爸的態度唔可以咁o拿!

之後我們3位女士又要先行一步, 陪Joan去"VenusFort"睇"BLUE LABEL", 當然仲有戰利品啦

! 買晒要買的物品後, 我打電話約老公係"Decks"正門等!

老公他們便沿路行去"Decks"時, 梗係要影番D相啦!

大家會合後, 便上1/F的娛樂一番街睇吓, 行吓同玩吓!

呢樣最抵玩, JPY100原來有10球o家! 早知3人share玩啦! 咁契媽我o米可以慳番JPY200Lor!

玩完, 就去買o野同食o野! 呢個咁大o既波, 話係台場名物Wor! o米買俾契女試吓啦!仲有懷舊汽水Tim!

我每次來都會去吓呢間Kitty Shop買手信送俾3位契女的. 今次真好, 我可以慳番, 因為大家一起去旅行, 唔洗買手信

, 加上她們的媽o米都要自已買來送禮! 個福袋真係好抵, 袋內有10多樣產品, 全都係Kittyo黎o家!只售JPY2,000.

大家都行o左好幾粒鐘了, 所以都係時候開始倦了

! 大家揾個地方坐低, 傾吓計. 小朋友繼續再周圍玩多陣!

由於今日係星期六, 為免要等位. 都係早一點去食晚飯好! 而我較早前途經"VenusFort"時見到有間"笑笑"Wor! 所以便決定去"笑笑"!

 

上一篇 : 日本合家歡之旅 - (Day3 - 24/1/09) JR訂票篇

下一篇 : 本合家歡之旅 - (Day3 - 24/1/09) - 笑笑晚飯卡拉OK篇