鍾意旅行,鍾意熱鬧, 鍾意搞搞震 : 日本合家歡之旅 - (Day1

2009日本之旅17天遊 (Day 1)

22 JAN 2009 (廣州陰天, 東京下雨)

大學火車站 8:45 am > 落馬州站 9:30 am (火車)

今早先約儉儉係大學站等, 之後再到落馬州火車站與Rosand一家會合.

一上火車, 第一時間打電話俾UA, 幫梅生改機位先. 接通後, 先同UA的姐姐講明發生原因及今天下午的機位需更改. 當時真係一波三折呀.

1) UA姐姐回覆由於我兩公婆同梅生是同一個Confirmation No., 所以是不可以拆分出來的. 係我不斷的請求下, 终於Hold我條線去問經理是否可批核, 最後當然OK啦!

2) 姐姐幫忙查到只有明天早上(23/1)尚餘1大個位, 其他打後日子都無位Wor! 唔駛諗, 即請她Hold起. 但由於分拆了先前的Confirmation出來, 所以原先的回程已取消了. 要重新Book過. OK, 無問題. 由於新Booking離出發日不夠14天, 所以需收US$100手續費.

3) 但姐姐回覆(7/2)已無位, 咁我話早一日或後一日呢?Sorry, 全Full了! Oh, No! 點算呀??? 姐姐好好人咁再Check, 發現(8/2)回程可考慮由東京去上海, 再去廣州. 吓! 咁麻煩又浪費時間, 仲要收US$100的費用Tim! 但都無計啦! 於是我請姐姐先Hold呢個行程, 我要先打電話俾梅生睇吓佢個証攪成掂先.

其實係我同UA查詢時, 老公已跟梅生講話中. 梅生說已攪好了第一次入境証, 當天下午6:00pm可取証. 而下午需再去中旅社攪第二次入境証, 而這個証需明天才有. (因為我們係廣州去東京, 再由東京回廣州, 所以需兩次入中國境.) 最後梅生Confirm剛才的Flight Schedule.

當我再致電去UA Confirm時, 姐姐好好人咁話幫我追到7/2下午機回廣州的機位了!

真係天大喜訊呀. 唔該晒UA的Customer Service!

其實今次發生呢件事, 好似真係整定咁!

整定梅生要出事, 又整定他最後可以順利起行. 睇吓下面的原因啦!

1) 好彩梅生早一日先上廣州. 如果今日才發現, 就算23/1有機位, 都趕不及去中旅辦2次簽証啦!

2) 我們出發前10日, Alice才決定一起去日本. 但她的回程是7/2下午機. 所以梅生當天會係廣州等她, 及安排係梅生家詶一晚的. 現在兩位可以一同下午機走, 有伴啦!

3) Alice於29/1出發, 所以她可以明天去中旅幫梅生取入境Visa, 仲可以幫他來去日本. 如果唔係, 無人幫梅生帶第2次的Visa去日本. 申請到都無用啦!

終於放下心頭大石. 我們一行5大2小可以出發o拿!

皇崗福田 10:00 am > 廣州機場 12:00 pm (11人車)

本來打算坐直通車去廣州的, 但諗吓諗吓, 要坐7:45am的車o米要好早起身. 而且到o左廣州火車站後又要再轉車去機場. 都唔化算及唔方便. 最後決定搵呢架足夠可以裝我們5大2小加5個大o急的11人車. 收費仲好OK - RMB1,000. 真係唔該晒我工廠的幫忙介紹!

到達機場Check In後, 便去麥當奴食個晏先.

廣州機場 15:10 pm > 成田機場 19:15 pm (ANA)

ANA的機真係唔錯, 飛機餐都好得!

4個多小時機, 梗係要眠一眠啦! 但係呢2位契女可能之前坐車時已訓夠吧, 竟然鬼咁精神係度玩, 仲幾嘈果隻. 好彩我用耳塞姐, 對我無影響! 哈!

成田機場

落機取晒客李後, 我同老公要先到 ANA Sky Porter 取較早預訂的2部日本手提電話. (因為坐ANA的航班係可以免費租用ANA Sky Porter的手機 o家!)

攪掂所有o野後,已經8:40pm了. 所以都係趕唔到8:45pm那班去新宿的成田特快. 於是我們便可以慢慢咁去買Suica Card 同Book埋 9:43pm到池袋的成田特快.

見仲有成個鍾時間, 我們便去Starbucks坐坐, 嘆番杯Coffee先! 而小朋友就去買熱的果汁.

之後亞晴就要爭取時間做功課o拿!(因為她回港第二日便要即刻返學呀!)

成田機場 21:43 > 池袋 23:09

終於可以上車o拿! 去到池袋仲要轉車呀! 今日真係名副其實的坐車日.

池袋 23:27 > 常盤台 23:42 (東武東上線)

今次我選了住Weekly Mension 的常盤台來做我們的主要酒店. 原因係見到常盤台的房較大,仲有一房一廳Tim, 一家大小(4人)可以住得舒服D, 擺行李的空間又多D. 加上日元太個高企了, 睇番先前我已Book的房價, 即貴了很多. 加上呢間可以一晚一晚咁訂, 無需連續住7日. 雖然地點唔係太方便, 要係池袋轉15分鐘火車. 不過最後經同大家商量完後, 係12月中才決定改訂常盤台呢間Weekly Mension.

一落東武東上線的火車, 眼見個月台咁細, 心諗大镬 -可能無電梯, 果然眼前只見一條長樓梯.

唔係要搬行李呀? 正當考慮緊時, 有一位好好人的上班族問我們需唔需要幫忙, 於是我問他呢個月台是否有電梯, 他說有係前面. 然後他問我拿酒店的地圖及地址睇. 他說我們應該由面前的樓梯落去會近好多. 我笞他說, 有行李wor! 他竟二話不說便拿起我個行李o急(31KGS)落樓梯,

吓!咁都得, 唯有跟啦! 於是大家一同搬行李. 點知, 原來落完一條仲要用另一條樓梯上番地面的. 真係唔該晒呢位哥哥仔幫我搬行李呀!

出閘後, 我們拿住地圖行了一小段路, 由於當時又下雨,

加上還有兩個小朋友(亞橦仲訓o左Tim, 要亞君抱住行). 心諗, 有無行錯路呢?

就係呢個時候, 上班族哥仔又出現了

, 他特登行番轉頭來幫我們帶路, 原本我們真係行了反方向呀. 呢位哥仔真係超唔話得, 他話他都係住酒店附近, 所以直接帶我們去到酒店門口. Yeah!真係出路遇貴人呀! 要俾10個多謝佢先得!

由於先前已跟酒店說明會晚上11時多才到, 所以先前便收到有關入酒店門口的密碼, 不過我們唔識按Wor!

因為我們只有4個數目字, 但按來按去都無反應. 我們係度講唔通要好似香港的住宅咁, 要按"R". 但個數字版上又無"R"Wor! 最终按了"6"的內線叫服務員開門. (原來係先要按數字版上的其中一個被人按到無晒字的空白制之後才再按數字呀!)

跟住服務員哥哥拿單出來要我們先付連住3晚的房租. 入房後大家都認為間房唔錯, 有一房一廳外, 還有煮食用具, 微波爐, 雪櫃等.....等, 仲有Lan線可以免費上網Tim! 正!

之後老公同儉儉出外探路之餘, 順便買杯麵返來宵夜!

是日行程完畢!

(消費總額) :

廣州車費	:	RMB400.00(RMB200/人)

Sucia Card	:	JPY3,500.00/人
Starbucks	:	JPY0.00(亞儉請)
東武東前線	:	JPY160.00/人
杯麵	:	JPY400.00
酒店	:	JPY 7,600.00 (雙人房)
合計	:	JPY15,3200.00(雙人)