日本東北之旅 (Day 7 - 7/2/08) 十和田湖 – 十和田冬物語篇

日本東北之旅18天遊 (Day 7 – 大年初一)

7 FEB 2008    十和田湖 (有雪,寒冷)

終於都來到"十和田冬物語"的會埸了. 抵唔住凍的團友即刻要入去唯一一個的室內食堂兼商店取暖

而我同老公及2位Camera Man梗係繼續四圍影吓相先La.

跟住我們係門口見到有位靚女姐姐工作人員係度賣酒, 300YEN一杯(隻杯仲可以拿返屋企及於全晚任飲Tim). 2位Camera Man梗係即幫襯La (因為可以同靚女影相Ma.

)

之後見個幾位團友都係沒有出來, 於是入去食堂睇睇, 原來呢度有好多o野食o架. 他們已坐係度歎緊嗱! 於是我們決定今晚係度食晚飯, 跟住Send個SMS俾老李, 叫他出來會合. 雖然我唔係好肚餓, 不過見大家食得咁開心, 又話檔牛排好掂, 大家係咁極力推銷. 於是最後我都買了1件試吓. 果然好得Wo. 之後再買枝青森蘋果汁, 好甜呀, 好好味呀!

食完, 取完暖後, 放低行李後, 再出去影相.

    

     

由於D表演活動於晚上6時半左右才開始. 於是再次入去食堂Hea吓, 食吓, 行吓, 買吓來打發吓時間.

呢度o既食物價錢一般是由300yen至500yen, 其中我們的至愛係大飽,超甜栗米, 牛扒及蘋果汁等…等

跟住開始聽到外面的吵鬧聲, 各式各樣的青森縣的特色表演開始了, 當中有津輕三味線的演奏, 太鼓表演, なまはけ生剝、ねぶた燈籠節所跳的舞蹈示範. (我們都有跳吓o架!)

睇完表演,  需8時正才開始有花火睇. 於是我們去了玩雪車, 呢架車都幾激o架, 當中Alice同四眼哥分別撞到個頭及手Tim.  

 

玩完後, 再入去食堂內取吓暖及休息吓先. 差唔多8時了, 我們要出去搵番個靚位來睇煙花. 開始嗱!

我們一班人不停地嘩!嘩!嘩!咁大叫,又大力拍手掌. (當時令到有間電視台的攝影機不停地拍住我們, 唔知係邊度先可以睇番呢?) 講真呢個煙花係幾咁精彩. 今次的花火較我2006年在阿寒湖睇的精彩好多,好多. 因每個煙花都好似係頭頂跌落來咁,仲有不停的碰碰聲. 真係有10個勁呀!

 

所有冬物語的表演已經全部完畢, 於是我們又再一次入去食堂. 雖然我們先前不停咁食左很多東西, 但仲有成晚咁長, 無理由唔再食飽D. 所以我們決定再食多一碗拉麵頂吓肚.

(本來我們先前是打算入隔離個間食爐端燒的, 但因為我們真的已食了唔少食物才取消這計劃.) 我們仲幫襯左蘋果店買了2,000yen的青森蘋果(共10個), 點知老板好好人送多2個俾我們帶走及即時開1個俾我們係食堂食. (哈!賺左3個!) 

食完係度Hea之際, 剛剛外面的司儀姐姐又入來及介紹剛才那位津輕三名線的演奏師的室內表演. 於是我們又可以再欣賞多一次. 其實要睇呢個表演好多時都要俾錢去一些專門的居酒屋才有. 現在我們唔需俾錢便可以睇2次, 咪又賺左. 哈!

好嗱! 玩左,食左,凍左大半日,係時候要返 酒店抖抖, 去大浴場浸番個風呂先得!

回程途中, 四周再一次只有我們10人(好彩我們夠人氣, 如果唔係都幾驚, 周圍漆黑一片!), 我們抬頭望向黑夜的天空, 睇見好多好多的星星, 真的好靚同好亮. (呢一次算係我繼澳洲袋鼠島之後睇過最靚的星星.)

回到酒店入房後見到已準備好的疊疊米, 真係好想即刻睡覺.

感想 : 一年一度的"十和田物語"真係都幾值得去睇睇, 雖然坐車係耐左D, 但當地人好友善. 我希望有機會係秋天時再到訪十和田湖, 到時我可以去埋奧入瀨溪.

(消費總額) :

活動費	:	JPY 300.00 (雪車)
晚餐	:	JPY 1,500.00
		每個人都有買D SHARE, 約1,500YEN吧)
午餐	:	JPY 1,200.00
酒店	:	JPY 6,300.00 (1泊朝食)
合計	:	JPY 9,300.00