日本東北之旅18天遊 (Day 8 – 大年初二)
8 FEB 2008 十和田湖(天晴) > 八戶 (天晴)
上午 –十和田湖 9: 00am > 八戶11: 10am (JR巴士)
今早7: 30a m食早餐, 大家自行於食事處等. 一入食事處, 第一眼所見的便是大大個的房間號碼牌 , 之後發現放在枱上的木筷子套真的十分特別, 仲要係每個人的都不同, 我們10位, 總共有10款唔同的筷子套. 嘩, 店主真係好有心思呀!感覺好Warm呀!
餐廳內除了我們10人外, 還有2位香港來的男仕, 他們好像昨天是與我們同一班JR巴士的, 果然今早他們也是會乘搭9: 00a m的JR巴士. 大家同是中國人, 而今天也是大年初二, 一定要講番聲恭喜發財先得!.
好嗱!開始起動食我們的早餐.
食飽飽後, 收拾好行李便要離開酒店. 老板中村先生好好人, 安排2部車送我們到巴士站, 而且還請我們下次夏天或秋天時再到訪, 到時他會親自駕船坐我們遊十和田湖 (多謝晒先!).
上巴士後, 撞見昨天晚上於十和田物語認識到的一家四口也是由香港來的家庭. 咁啱再一次相遇, 加上新年Ma, 於是等我同Alice兩位姨姨派封利是俾兩位小朋友開心吓先.
巴士出發, 沿住昨天的路線回八戶. 途中巴士再一次介紹昨天經過的景點, 好讓昨天因睡了覺而錯失了的團友可有機會再次欣賞咁美麗的景色.
巴士準時11:10am到達八戶, 我們首先到Toyoko酒店Check In及放低行李. Check In後, 我第一時間問Front Desk的姐姐仔那處會有牙科醫生, 之後我同老公及梅生的陪伴下便去找尋牙醫. 而其他團友便到JR更改火車時卷的時間. (因為我要去整牙, 所以由原先11: 38a m的火車改為13:10pm, 真係麻煩晒大家!)
我們3人依照地圖的指示, 行了約10分鐘左右便找到了牙科診所. 幸好護士很快便知道我需要的是什麼服務. 等了10分鐘便到我入診療室, 醫生很快便幫我把牙齒整好. 好開心!終於可以再次影見牙相了. 終於到付款的時候, 死La, 唔知貴唔貴呢? 因為我問過保險Agent我今次的case會claim唔到錢的. 不過幾貴都無辨法La, 仲有10日旅程Wo. 吚!OK 喎, 承惠5,000YEN. 好o野!我以為要7,000YEN Tim. 全程唔駛30分鐘, 真係快, 靚, 平!
同團友們約好在八戶車站旁的大樓會合, 一去到便見到團友們在商店內狂shop, 而Kim Kim好細心咁幫我買了把較剪用來食東西時用(呢把較剪對於我們整個行程起了很大的作用, 原來好多時係車到分食物時都可以大派用場的, 正!)
係大樓內, 有一座好大的花橋, 呢座花橋聽聞係八戶三社大祭時用的.
大家買了小小的食物及飲品便出發去弘前.
(消費總額) :
整牙費 : JPY 5,000.00 酒店 : JPY 7,770.00 (雙人房) 合計 : JPY12,770.00
沒有留言:
張貼留言