一年一度預防針

16 AUGUST 2009 (天晴)

今日要同BeBe狗去打一年一度的預防針呀. 今日都算好, 只係等o左1個鍾, 平時起碼等成個半鍾o架!

BeBe要上磅, 對上次磅係3月份Lu! 今次BeBe又輕o左, 有5.6KGS, 真好! BeBe可能覺得個磅D鐵好涼快呀, 她好唔捨得離開呀!

等o既時候, 影吓相先! 見唔見呀, 下面個張係上年送俾醫生o架!

睇! 好多貓貓狗狗的相片呀!

今日除o左要打針外, 都要問吓蔡醫生點解呢排BeBe隻右眼有咁多眼膠o既? 果然係專家, 一話俾醫生聽, 他第一時問睇她隻牙. 就話係隻牙影響到她牙根發炎及眼發炎. 所以呢個星期BeBe狗又要食抗生素喇, 仲要一日滴四之眼藥水Tim! 今日的醫藥費為HK$800. 醫生話睇吓BeBe今個星期的進度如何, 下星期再返去覆診. 如果無進一步改善, 可能要脫牙, 如果係咁要全身麻醉先得. 不過BeBe咁大年紀, 盡量都係唔要全身麻醉! 所以希望BeBe呢個星期有好轉啦, 她一向都好受蔡醫生的藥o既!